ହାଇଦ୍ରାବାଦ: 1983 କ୍ରିକେଟ ବିଶ୍ବକପ ବିଜୟ ପରେ ଭାରତୀୟ କ୍ରିକେଟର ଚିତ୍ର ଓ ଚରିତ୍ର ବଦଳିଥିବା କହିବା ଭୁଲ ହେବନାହିଁ । ଇଂଲଣ୍ଡର ଐତିହାସିକ ଲର୍ଡ୍ସ ଗ୍ରାଉଣ୍ଡରେ କପିଲ ଦେବଙ୍କ ନେତୃତ୍ବାଧୀନ ଟିମ ଇଣ୍ଡିଆ ଇତିହାସ ରଚିଥିଲା । ଏହାପରେ ବିଶ୍ବ ଦରବାରରେ ଭାରତୀୟ କ୍ରିକେଟକୁ ନୂଆ ପରିଚୟ ଓ ପ୍ରସିଦ୍ଧି ମିଳିଥିଲା ।
ଟୁର୍ଣ୍ଣାମେଣ୍ଟର ଅନ୍ୟତମ ଦୁର୍ବଳ ଭାବେ ଭାରତୀୟ ଦଳ ଖେଳିଥିଲା । ମାତ୍ର ଭାରତୀୟ କ୍ରିକେଟରଙ୍କ ପ୍ରଭାବୀ ପ୍ରଦର୍ଶନ ଓ ନିଜକୁ ପ୍ରମାଣିତ ହେବାର ମନୋବଳ ସଫଳତା ଆଣିଦେଇଥିଲା । ଫାଇନାଲରେ ତତ୍କାଳୀନ ଶକ୍ତିଶାଳୀ ଇଣ୍ଡିଜ ଟିମକୁ ହରାଇ ଅବିଶ୍ବସନୀୟ ଭାବେ ଚମ୍ପିଆନ ହୋଇଥିଲା ଭାରତ । ତାରିଖ ଥିଲା 25 ଜୁନ 1983, ପ୍ରଥମ ବିଶ୍ବକପ ବିଜୟରେ ଝୁମିଥିଲା ସମଗ୍ର ଦେଶ ।
ପରାଜୟ ପରେ ସ୍ବଦେଶ ନଫେରି ଟୁର୍ ରେ ଯିବାକୁ ଯୋଜନା ଥିବା ଏକାଧିକ ଖେଳାଳି ପୂର୍ବରୁ ଖୁଲାସା କରିଛନ୍ତି । କାରଣ ଭାରତ ବିଶ୍ବକପ ବିଜେତା ହୋଇପାରିବ ଏହି ବିଶ୍ବାସ ଟୁର୍ଣ୍ଣାମେଣ୍ଟ ଆରମ୍ଭରୁ କାହାରି ନଥିଲା । ତେବେ ଗ୍ରୁପ ପର୍ଯ୍ୟାୟରେ ଗୋଟିଏ ପରେ ଗୋଟିଏ ମ୍ୟାଚ ବିଜୟ, ଭାରତୀୟ କ୍ୟାମ୍ପରେ ବିଶ୍ବାସ ଭରିଥିଲା ।
ତେବେ ବିଜେତା ଟିମର ଖେଳାଳିଙ୍କ ଦରମାକୁ ନେଇ ଖୁଲାସା ହୋଇଛି । ବର୍ତ୍ତମାନର ଭାରତୀୟ କ୍ରିକେଟର ବିଶ୍ବର ସବୁଠୁ ଧନୀ କ୍ରିକେଟ ବୋର୍ଡର ଅଧୀନରେ ଖେଳୁଛନ୍ତି । ମାତ୍ର ଦିନ ଥିଲା, ତତ୍କାଳୀନ କ୍ରିକେଟରଙ୍କ ଦରମା 1000ରୁ କମ୍ ଥିଲା ।