ମୁଁ ଆରସିବି କେବେ ଛାଡିବି ନାହିଁ, ଫ୍ୟାନ୍ସଙ୍କ ପାଇଁ ଟାଇଟଲ ଜିତିବି: ବିରାଟ କୋହଲି

ଯେ ପର୍ଯ୍ୟନ୍ତ ଆଇପିଏଲ ଖେଳିବେ, ଆରସିବି ଟିମ ପାଇଁ ଖେଳିବେ ବୋଲି କହିଛନ୍ତି ଆରସିବିର ଅଧିନାୟକ ବିରାଟ କୋହଲି । ସେ 2008ରେ ଆରସିବି ଟିମ ସହ ଯୋଡି ହୋଇଥିଲେ ।

ଦୁବାଇ: ବିଶ୍ବର ଲୋକପ୍ରିୟ ଲିଗ ଆଇପିଏଲ ଦୁବାଇରେ 19 ସେପ୍ଟେମ୍ବରରୁ ଆରମ୍ଭ ହେବ । ଆରସିବି ଟିମର ଅଧିନାୟକ ଟିମ ପରିବର୍ତ୍ତନ କେବେ ବି କରିବେ ନାହିଁ ବୋଲି କହିଛନ୍ତି । ଯେ ପର୍ଯ୍ୟନ୍ତ ଆଇପିଏଲ ଖେଳିବେ, ଆରସିବି ଟିମ ପାଇଁ ଖେଳିବେ ବୋଲି କହିଛନ୍ତି ଆରସିବିର ଅଧିନାୟକ ବିରାଟ କୋହଲି ।

ବିରାଟ କୋହଲିଙ୍କ ଆଇପିଏଲ କ୍ୟାରିଅର

କୋହଲି 2008ରେ ଆରସିବି ଟିମ ସହ ଯୋଡି ହୋଇଥିଲେ । 2013ରୁ ଟିମର ନେତୃତ୍ବ ନେଉଛନ୍ତି ବିରାଟ କୋହଲି ।

ତେବେ ବିରାଟଙ୍କୁ ଆଇପିଏଲ ଟିମ ପରିବର୍ତ୍ତନ କରିବାକୁ ନେଇ ପ୍ରଶ୍ନ ପଚରାଯିବାରୁ ସେ କହିଛନ୍ତି ଯେ, ମୁଁ ଏହି ଦଳକୁ କେବେ ବି ଛାଡିବି ନାହିଁ । 12ବର୍ଷ ହେଲା ଏହି ଯାତ୍ରା ବହୁତ ସାନଦାର ରହିଛି । ଫ୍ୟାନ୍ସଙ୍କ ପାଇଁ ଆଇପିଏଲ ଟାଇଟଲ ଜିତିବାର ଅଛି । ମତେ ଯେଉଁ ସମ୍ନାନ ଓ ଭଲ ପାଇବା ମିଳିଛି , ଏହା ପରେ କେବେ ବି ଦଳ ପରିବର୍ତ୍ତନ କଥା ଭାବି ପାରିବି ନାହିଁ ।