8 ମାସ ପରେ ଗ୍ରାଉଣ୍ଡକୁ ଫେରିଲେ ଟିମ୍‌ ଇଣ୍ଡିଆ ମୁଖ୍ୟ କୋଚ ରବି ଶାସ୍ତ୍ରୀ

ଟିମ ସହ ମୁଖ୍ୟକୋଚ ରବି ଶାସ୍ତ୍ରୀ ଗ୍ରାଉଣ୍ଡକୁ ଫେରି ବେଶ୍‌ ଖୁସି ଥିବା ଟ୍ବିଟ କରି ଜଣାଇଛନ୍ତି । ଭାରତୀୟ କ୍ରିକେଟ ଟିମ ବର୍ତ୍ତମାନ ଅଷ୍ଟ୍ରେଲିଆ ବିପକ୍ଷ ସିରିଜ ପାଇଁ ଟ୍ରେନିଂ ଆରମ୍ଭ କରିଛି ।

ସିଡନୀ: ଭାରତୀୟ କ୍ରିକେଟ ଟିମ ବର୍ତ୍ତମାନ ଅଷ୍ଟ୍ରେଲିଆ ବିପକ୍ଷ ସିରିଜ ପାଇଁ ଟ୍ରେନିଂ ଆରମ୍ଭ କରିଛି । ତେବେ ଟିମ ସହ ମୁଖ୍ୟକୋଚ ରବି ଶାସ୍ତ୍ରୀ ଗ୍ରାଉଣ୍ଡକୁ ଫେରି ବେଶ୍‌ ଖୁସି ଥିବା ଟ୍ବିଟ କରି ଜଣାଇଛନ୍ତି ।

ଭ୍ରମଣକାରୀ ଭାରତୀୟ ଦଳ 3ଟି ଦିନିକିଆ ଓ ଟି-20 ସିରିଜ ଖେଳିବ । ଭାରତୀୟ ଦଳ 12ନଭେମ୍ବରରୁ ସିଡନୀରେ ପହଞ୍ଚି କ୍ବାରେଣ୍ଟାଇନରେ ରହିଛି । ଟିମ 14 ନଭେମ୍ବରରୁ ଅଭ୍ୟାସ ଆରମ୍ଭ କରିଛି ।

ଶାସ୍ତ୍ରୀ ବୁଧବାର ଦିନ ହାର୍ଦ୍ଦିକ ପାଣ୍ଡ୍ୟା, ଶିଖର ଧଓ୍ବନ ଓ ଶାର୍ଦ୍ଦୁଳ ଠାକୁରଙ୍କ ସହ ଏକ ଫଟୋ ସେୟାର କରିଛନ୍ତି । ସେ ଲେଖିଛନ୍ତି , କାମକୁ ଫେରି ବହୁତ ଖୁସି ଅଛି ।

ଦିନିକିଆ ଓ ଟି-20 ସିରିଜ ପରେ ଭାରତ-ଅଷ୍ଟ୍ରେଲିଆ ମଧ୍ୟରେ 4ଟି ଟେଷ୍ଟ ମ୍ୟାଚ ସିରିଜ ଖେଳାଯିବ ।