ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳି ତଥା ଅଧିନାୟକ ରାହୁଲ ଦ୍ରାବିଡଙ୍କୁ ଦ୍ବେତ ସ୍ବlର୍ଥ (Conflict Of Interest) ମାମଲାରେ ମିଳିଲା ଆଶ୍ବସ୍ତି । ବିସିସିଆଇର ଏଥିକ୍ସ ଅଫିସର ଜଷ୍ଟିସ(ଅବସରପ୍ରାପ୍ତ) ଡିକେ ଜୈନ ମାମଲାରେ ସବୁ ପକ୍ଷକୁ ଦେଖି ଓ ରାହୁଲଙ୍କ ପକ୍ଷ ଶୁଣିବା ପରେ ଏହି ନିଷ୍ପତ୍ତି ଶୁଣାଇଛନ୍ତି । ଦୁଇଟି ଶୁଣାଣି ପରେ ଦ୍ରାବିଡଙ୍କୁ କ୍ଲିନଚିଟ ଦେଇଛନ୍ତି ଜଷ୍ଟିସ । ବିସିସିଆଇ ସମ୍ବିଧାନର ନିୟମ ଅନୁସାରେ, କୌଣସି ବ୍ୟକ୍ତି ଏକ ସମୟରେ ଦୁଇଟି ପଦରେ ଅଧିଷ୍ଠିତ ହୋଇରହିପାରିବେ ନାହିଁ । ତେବେ ଜଷ୍ଟିସ ଜୈନ ଏହି ମାମଲାର ଅଲଗା ପ୍ରକାରରେ ବ୍ୟାଖ୍ୟା କରି ରାହୁଲଙ୍କୁ କ୍ଲିନଚିଟ ଦେଇଛନ୍ତି ।
ସୂଚନାଯୋଗ୍ୟ ଯେ, ଦ୍ରାବିଡଙ୍କ ଉପରେ ମଧ୍ୟପ୍ରଦେଶ କ୍ରିକେଟ ଏସୋସିଏସନର ଆଜୀବନ ସଦସ୍ୟ ସଞ୍ଜୀବ ଗୁପ୍ତା ଦୋଷାରୋପ କରିଥିଲେ । ତାଙ୍କର ଅଭିଯୋଗ ଥିଲା, ରାହୁଲ ଏକ ସମୟରେ ଗୋଟିଏରୁ ଅଧିକ ପଦରେ ନିଯୁକ୍ତ ହୋଇଛନ୍ତି ।