ମୁମ୍ବାଇ:ଦିଲ୍ଲୀ କ୍ୟାପିଟାଲ୍ସ ଟିମ୍ ରହୁଥିବା ହୋଟେଲରେ ପହଞ୍ଚିଲେ ଦକ୍ଷିଣ ଆଫ୍ରିକା ଦ୍ରୁତ ବୋଲର କାଗିସୋ ରବାଡା ଓ ଆନରିଚ ନର୍କିୟା । ମଙ୍ଗଳବାର ଏହି ଦୁଇ ଦକ୍ଷିଣ ଆଫ୍ରିକୀୟ ଆଇପିଏଲ ଷ୍ଟାର ଭାରତରେ ପହଞ୍ଚିଛନ୍ତି ।
ଉଭୟ 7 ଦିନ କ୍ବାରେଣ୍ଟିନ ରହିବା ପରେ ଦିଲ୍ଲୀ କ୍ୟାପିଟାଲ୍ସ ସ୍କ୍ବାଡରେ ସାମିଲ ହେବେ । ଆଇପିଏଲ 2021ର ମ୍ୟାଚ ସୂଚୀ ଅନୁଯାୟୀ, ଦିଲ୍ଲୀ କ୍ୟାପିଟାଲ୍ସ ଟୁର୍ଣ୍ଣାମେଣ୍ଟର ଦ୍ବିତୀୟ ମ୍ୟାଚ ଖେଳିବ । ଏପ୍ରିଲ 10ରେ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଚେନ୍ନାଇ ସୁପର କିଙ୍ଗ୍ସକୁ ଭେଟିବ ଦିଲ୍ଲୀ । କ୍ବାରେଣ୍ଟିନ ଅବଧି ଶେଷ କରିବା ପରେ କ୍ରିକେଟ କ୍ଳବ ଅଫ୍ ଇଣ୍ଡିଆରେ ବର୍ତ୍ତମାନ ଅଭ୍ୟାସ ଜାରି ରଖିଛି ଟିମ ।