ହାଇଦ୍ରାବାଦ: ଭାରତୀୟ ଅଫ ସ୍ପିନର ରବିଚନ୍ଦ୍ରନ ଅଶ୍ବିନଙ୍କ ପାଇଁ ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ଅନ୍ୟତମ ସ୍ମରଣୀୟ ମ୍ୟାଚ ହୋଇଛି । ଅନ୍ତର୍ଜାତୀୟ କ୍ରିକେଟରେ 600 ୱିକେଟ ପୂରଣ କରିଛନ୍ତି ଏହି ଭେଟେରାନ ଭାରତୀୟ ସ୍ପିନର । ଏହି ଉପଲବ୍ଧି ହାସଲ କରିବାରେ ଅଶ୍ବିନ 4ର୍ଥ ଭାରତୀୟ ଓ ବିଶ୍ବ କ୍ରିକେଟର 21ତମ ବୋଲର ହୋଇଛନ୍ତି । ଇଂଲଣ୍ଡ ଅଲରାଉଣ୍ଡର ବେନ ଷ୍ଟୋକ୍ସ, ଅଭିଜ୍ଞ ଅଶ୍ବିନଙ୍କ 600ତମ ଶିକାର ହୋଇଛନ୍ତି ।
ଅନ୍ତର୍ଜାତୀୟ ସ୍ତରରେ 600 ୱିକେଟ ହାସଲ କରିବା କୌଣସି କରିସ୍ମା ଠାରୁ କମ ନୁହେଁ । 34 ବର୍ଷୀୟ ଆର. ଅଶ୍ବିନ ବର୍ଷ 2010ରେ ଶ୍ରୀଲଙ୍କା ବିପକ୍ଷରେ ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ । ଉପୁଲ ଥରଙ୍କାଙ୍କ ରୂପରେ ପ୍ରଥମ ସଫଳତା ପାଇଥିଲେ।