ଚେନ୍ନାଇ: ଶୁକ୍ରବାର ଠାରୁ ଆରମ୍ଭ ହେଉଛି ବହୁ ପ୍ରତିକ୍ଷୀତ ଭାରତ-ଇଂଲଣ୍ଡ ଟେଷ୍ଟ ସିରିଜ। ତେବେ ପ୍ରଥମ ଟେଷ୍ଟ ପୂର୍ବରୁ ଇଂଲିସ କ୍ୟାମ୍ପରେ ଭାରତୀୟ ଅଭିଜ୍ଞ ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ଚେତେଶ୍ବର ପୂଜାରାଙ୍କୁ ନେଇ କମ୍ପନ ସୃଷ୍ଟି ହୋଇଛି । ଭର୍ଚୁଆଲ ସାମ୍ବାଦିକ ସମ୍ମିଳନୀରେ ଇଂଲଣ୍ଡ କ୍ୟାପଟେନ ଜୋ ରୁଟଙ୍କ କିଛି ଟିପ୍ପଣୀ ଏପରି ବୟାନ କରୁଛି ।
ରୁଟ୍ ସାମ୍ବାଦିକ ସମ୍ମିଳନୀରେ ପୂଜାରାଙ୍କୁ ଚମତ୍କାର ଖେଳାଳି ବୋଲି କହିଛନ୍ତି । ଏଥିସହ "ପୂଜାରାଙ୍କ ଭଳି ଖେଳାଳିଙ୍କ ସହ ୟର୍କସାୟର(କାଉଣ୍ଟି କ୍ରିକେଟ କ୍ଳବ)ରେ ଏକାଠି ଖେଳିବାର ସୌଭାଗ୍ୟ ମିଳିଥିବାରୁ କୃତଜ୍ଞ । କ୍ରିକେଟ ପ୍ରତି ତାଙ୍କ ଭଲପାଇବା, ବ୍ୟାଟିଂ ଶୈଳୀ ଓ ଅନେକ କିଛି ଶିକ୍ଷା କରିବାର ଅଛି । ଏହା ବାସ୍ତବିକ କୌତୁହଳପୂର୍ଣ୍ଣ ବୋଲି କହିବା ସହ ପୂଜାରାଙ୍କୁ ପ୍ରଶଂସା କରିଛନ୍ତି ରୁଟ୍ । ଏଥିସହ ପୂଜାରାଙ୍କ ୱିକେଟ ଗୁରୁତ୍ବପୂର୍ଣ୍ଣ ହେବ ବୋଲି କହିଛନ୍ତି ।