ଲାହୋର: ମହାମାରୀ କୋରୋନା ଭାଇରସରେ ପ୍ରଭାବିତ ସମଗ୍ର ବିଶ୍ବ । ସଂକ୍ରମଣରୁ ବର୍ତ୍ତିବା ପାଇଁ ଅନେକ ଦେଶରେ ଜାରି ହୋଇଛି ଲକଡାଉନ ।
ବିଶ୍ବର କ୍ରୀଡାବିତ ଓ ବୋର୍ଡ ଲୋକଙ୍କୁ କୋରୋନା ସଚେତନତାର ବାର୍ତ୍ତା ବାଣ୍ଟିବାରେ ଲାଗିଛି । ଏହି କ୍ରମରେ ପାକିସ୍ତାନ ସୁପର ଲିଗ ଫ୍ରାଞ୍ଚାଇଜ, ଇସଲାମବାଦ ୟୁନାଇଟେଡ ସଂକ୍ରମଣରୁ ବର୍ତ୍ତିବା ପାଇଁ ଲୋକଙ୍କୁ ସଚେତନ କରୁଛି ।
ତେବେ ନିଜର ଟ୍ବିଟର ଆକାଉଣ୍ଟରେ ପିଏସଏଲ ଫ୍ରାଞ୍ଚାଇଜ ଟିମ ଇଣ୍ଡିଆର ସ୍ପିଡଷ୍ଟାର ଜଶପ୍ରୀତ ବୁମରାଙ୍କ ଏକ ନୋ ବଲ ବୋଲିଂ ବେଳର ଫଟୋକୁ ସେୟାର କରିଛି । ଏହି ଫଟୋ 2017 ଭାରତ ବନାମ ପାକିସ୍ତାନ ଆଇସିସି ଚମ୍ପିଆନ୍ସ ଟ୍ରଫି ଫାଇନାଲ ମ୍ୟାଚର ବୋଲି କୁହାଯାଉଛି ।
ଏହି ଟ୍ବିଟରେ ଲେଖାଯାଇଛି, "ଲାଇନକୁ ଅତିକ୍ରମ କରନ୍ତୁ ନାହିଁ, ଏହା ରିସ୍କ ହୋଇପାରେ, ସାମାଜିକ ଦୂରତା ବଜାୟ ରଖନ୍ତୁ, ମାତ୍ର ହୃଦୟ ଖୋଲା ରଖିବାକୁ ଧ୍ୟାନ ଦିଅନ୍ତୁ ।"
ବ୍ୟୁରୋ ରିପୋର୍ଟ, ଇଟିଭି ଭାରତ