ଜୟପୁର: ଧୋନୀଙ୍କୁ ଦେଖିବାକୁ ପ୍ରଶଂସକଙ୍କ ଲାଗିଲା ଭିଡ଼। ଧୋନୀଙ୍କ ଫ୍ୟାନମାନଙ୍କ ଭିଡ଼ ନିୟନ୍ତ୍ରଣ ନହେବାରୁ ପୋଲିସକୁ କରିବାକୁ ପଡ଼ିଛି ହାଲୁକା ଲାଠି ଚାର୍ଜ। ରାଜସ୍ଥାନର ଜାଲୌର ଜିଲ୍ଲାରେ ଏଭଳି ଏକ ଦୃଶ୍ୟ ଦେଖିବାକୁ ମିଳିଛି। ପୂର୍ବତନ ଭାରତୀୟ କ୍ରିକେଟ ଦଳର ଅଧିନାୟକ ଧୋନୀ ଏକ ସ୍କୁଲ ଲୋକାର୍ପଣ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ।
ଧୋନୀଙ୍କୁ ଦେଖିବାକୁ ଲାଗିଲା ଭିଡ଼, ପୋଲିସର ଲାଠି ଚାର୍ଜ
ଆଜି(ବୁଧବାର) ରାଜସ୍ଥାନର ଜାଲୌର ଜିଲ୍ଲା ଗସ୍ତ କରିଥିଲେ ମହେନ୍ଦ୍ର ସିଂହ ଧୋନୀ। ଏହି ଅବସରରେ ସେ ଏକ ବିଦ୍ୟାଳୟ ଲୋକାର୍ପଣ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପହଞ୍ଚିଥିଲେ। ତେବେ ଧୋନୀଙ୍କ ପହଞ୍ଚିବା ଖବର ଶୁଣି କାର୍ଯ୍ୟକ୍ରମରେ ବହୁ ସଂଖ୍ୟାରେ ଫ୍ୟାନ ଏକଜୁଟ ହୋଇଥିଲେ। ଭିଡ଼ ଏତେ ପରିମାଣରେ ଥିଲା ଯେ, ଧିରେ ଧିରେ ଫ୍ୟାନମାନେ ଟେଣ୍ଟ ଭାଙ୍ଗି ଆଗକୁ ବଢ଼ିବାକୁ ଲାଗିଥିଲେ।