ଆବୁଧାବି: ଶନିବାର ଠାରୁ ଆଇପିଏଲର 13ତମ ସଂସ୍କରଣ ଆରମ୍ଭ ହୋଇଯାଇଛି । ଏହି ଉଦ୍ଘାଟନୀ ମ୍ୟାଚରେ ଚେନ୍ନାଇ ମୁମ୍ବାଇ ଇଣ୍ଡିଆନ୍ସକୁ ଆବୁଧାବିର ଶେଖ ଜାୟଦ ଷ୍ଟାଡିୟମରେ 5ଓ୍ବିକେଟରେ ମାତ ଦେଇଛି । ତେବେ ମ୍ୟାଚ ଜିତିବାପରେ ସିଏସକେର ଅଧିନାୟକ ମହେନ୍ଦ୍ର ସିଂ ଧୋନି କହିଛନ୍ତି ଯେ କିଛି ବିଭାଗରେ ସୁଧାର ଆଣିବାର ଜରୁରୀ ଅଛି ।
ଧୋନି କହିଛନ୍ତି, ଅଭ୍ୟାସ କରୁଛ କିନ୍ତୁ ଗ୍ରାଉଣ୍ଡରେ ଓହ୍ଲାଇ ଖେଳିବା ଭିନ୍ନ ଅନୁଭବ ହୋଇଥାଏ । ଟିମ ପଜିଟିଭ ରହିଥିଲା । କିନ୍ତୁ କିଛିଟା ବିଭାଗରେ ଆହୁରି କାମ କରିବାକୁ ପଡିବ । ବିଶେଷକରି ଟାଇମିଙ୍ଗକୁ ନେଇ । ପରେ ଖେଳିଲେ କାକର ପଡିବା ପୂର୍ବରୁ ମୁଭମେଣ୍ଟ ରହିଥାଏ । ତେବେ ଆମ ପାଖରେ ଯଦି ଓ୍ବିକେଟ ରହେ ଆମକୁ ଲାଭ ମିଳିବ ।