ହାଇଦ୍ରାବାଦ: ଫଟାଫଟ କ୍ରିକେଟରେ ଇଣ୍ଡିଜ କ୍ୟାପଟେନ କିରଣ ପୋଲାର୍ଡଙ୍କ ନୂଆ କରିସ୍ମା । ଗୋଟିଓ ଓଭରରେ 6ଟି ଛକା ମାରିବାର ରେକର୍ଡ କରିଛନ୍ତି କାରବିୟନ ପାୱାର ହିଟର । ଗୁରୁବାର, 4 ମାର୍ଚ୍ଚରେ ଆଣ୍ଟିଗୁଆ ଷ୍ଟାଡିୟମରେ ୱେଷ୍ଟଇଣ୍ଡିଜ ଓ ଶୀଲଙ୍କା ମଧ୍ୟରେ 3 ମ୍ୟାଚ ବିଶିଷ୍ଟ ଟି-20 ସିରିଜର ପ୍ରଥମ ମୁକାବିଲା ଖେଳାଯାଇଥିଲା ।
ଶ୍ରୀଲଙ୍କା ସ୍ପିନର ଅକିଲ ଧନଞ୍ଜୟଙ୍କ ବିପକ୍ଷରେ ଓଭର ସମସ୍ତ ବଲ୍ରେ ଛକା ଲଗାଇଥିଲେ । ଇଂନିସର ଷଷ୍ଠ ଓଭରରେ ୱେଷ୍ଟଇଣ୍ଡିଜ କ୍ୟାପଟେନ ଏହି ବିରଳ ସଫଳତା ହାସଲ ହାସଲ କରିଥିଲେ। ଏଥିସହ ପୋଲାର୍ଡ ଅନ୍ତର୍ଜାତୀୟ କ୍ରିକେଟ ଇତିହାସରେ ଗୋଟିଏ ଓଭରରେ 6ଟି ଛକା ମାରିଥିବା ତୃତୀୟ ବ୍ୟାଟ୍ସମ୍ୟାନ ହୋଇଛନ୍ତି ।
ପୂର୍ବରୁ ଦକ୍ଷିଣ ଆଫ୍ରିକାର ହର୍ସଲ ଗିବ୍ସ 2007 ଦିନିକିଆ ବିଶ୍ବକପରେ ଓ ଯୁବରାଜ ସିଂହ 2007 ଟି-20 ବିଶ୍ବକପରେ ଏହି ରେକର୍ଡ କରିସାରିଛନ୍ତି ।ଅନ୍ତର୍ଜାତୀୟ ସ୍ତରରେ କିରଣ ପୋଲାର୍ଡ ଗୋଟିଏ ଓଭରରେ 6ଟି ଛକା ମାରିଥିବା ଖେଳାଳି ସହ, ଟି-20 ଫର୍ମାଟରେ ଏହି କମାଲ କରିଥିବା ପଞ୍ଚମ ଖେଳାଳି ହୋଇଛନ୍ତି । ପୋଲାର୍ଡଙ୍କ ପୂର୍ବରୁ ଅନ୍ୟ 4 ଖେଳାଳି ମଧ୍ୟ ଟି-20 କ୍ରିକେଟରେ ଗୋଟିଏ ଓଭରରେ 6ଟି ଛକା ଲଗାଇ ସାରିଛନ୍ତି ।
ଟି20 ଫର୍ମାଟରେ ଗୋଟିଏ ଓଭରରେ 6ଟି ଛକା ଲଗାଇଥିବା ଖେଳାଳି:
ଯୁବରାଜ ସିଂ(ଭାରତ), ବନାମ ଷ୍ଟୁଆର୍ଟ ବ୍ରଡ(ଇଂଲଣ୍ଡ), 2007