କରାଚୀ:ପାକିସ୍ତାନ ସୁପର ଲିଗ(PSL)ରେ ଜଣେ ଖେଳାଳି କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ଏକ ଟିମର ଅନ୍ୟଜଣେ ଖେଳାଳି ଓ ଅଧିକାରୀ ଜୈବ ସୁରକ୍ଷା ବଳୟ ନିୟମ ଉଲଂଘନ କରିବା ପରେ କ୍ବାରେଣ୍ଟିନରେ ରଖାଯାଇଛି ।
ଜୈବ ସୁରକ୍ଷା ବଳୟ ବାହାରେ ଥିବା ଜଣେ ବ୍ୟକ୍ତିଙ୍କ ସଂସ୍ପର୍ଶରେ ଶୁକ୍ରବାର ଏହି ଖେଳାଳି ଓ ଅଧିକାରୀଜଣଙ୍କ ଆସିଥିବା ଜଣାପଡିବା ପରେ 3 ଦିନ କ୍ବାରେଣ୍ଟିନରେ ରହିବାକୁ ନିଷ୍ପତ୍ତି ନିଆଯାଇଛି । ଏହି 3 ଦିନ ମଧ୍ୟରେ ଉଭୟଙ୍କୁ କୋଭିଡ-19 ନେଗେଟିଭ ଟେଷ୍ଟ ରିପୋର୍ଟ ଦେବାକୁ ହେବ । ଏକ ବିବୃତି ଜାରି କରିବା ସହ ଏହା କହିଛି ପାକିସ୍ତାନ କ୍ରିକେଟ ବୋର୍ଡ ।