ନୂଆଦିଲ୍ଲୀ: ଟିମ ଇଣ୍ଡିଆର ୱିକେଟକିପର ବ୍ୟାଟ୍ସମ୍ୟାନ ଋଷଭ ପନ୍ତ, ନୂଆ ଘର କିଣିବାନେଇ ଗୁରୁବାର ଟ୍ବିଟରରେ ପ୍ରଶଂସକଙ୍କ ପରାମର୍ଶ ଲୋଡିଛନ୍ତି । ଅଷ୍ଟ୍ରେଲିଆ ବିପକ୍ଷରେ 2-1ରେ ଟେଷ୍ଟ ସିରିଜ ବିଜେତା ଭାରତୀୟ ଦଳର ସର୍ବାଧିକ ରନ ସଂଗ୍ରହକାରୀ ରହିଥିଲେ ପନ୍ତ ।
"ଭାରତ ଫେରିବା ପରେ ନୂଆ ଘର କିଣିବାକୁ ପନ୍ତଙ୍କୁ ପରିବାର ଲୋକେ ବାଧ୍ୟ କରୁଛନ୍ତି । ଗୁରୁଗ୍ରାମରେ ଘର କିଣିବା ଠିକ୍ ରହିବା କି ? ଅନ୍ୟ କୌଣସି ବିକଳ୍ପ ଥିଲେ ଜଣାନ୍ତୁ ।" ଏମିତି କିଛି ନିଜ ସଦ୍ୟତମ ଟ୍ବିଟରେ ଲେଖିଛନ୍ତି ଟିମ ଇଣ୍ଡିଆର ଏହି ମ୍ୟାଚୱିନର ୱିକେଟକିପର ।