ଆଡିଲେଡ: ପ୍ରଥମ ଟେଷ୍ଟରେ ପରାଜୟ ପରେ ଭାରତୀୟ କ୍ୟାପଟେନ ବିରାଟ କୋହଲିଙ୍କ ସକରାତ୍ମକ ପ୍ରତିକ୍ରିୟା । ପ୍ରଥମ ଇଂନିସରେ ଅଧିକ ଲିଡ୍, ମ୍ୟାଚର ଫଳାଫଳରେ ଫରକ ଆଣିଥାନ୍ତା ବୋଲି କହିଛନ୍ତି କୋହଲି ।
4 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚରେ 8 ୱିକେଟରେ ପରାଜୟ ପରେ କୋହଲିଙ୍କ ଏହି ପ୍ରତିକ୍ରିୟା ସାମ୍ନାକୁ ଆସିଛି । ଏଥିସହ ଖରାପ ବ୍ୟାଟିଂ ପ୍ରଦର୍ଶନ ବୋଲି ମଧ୍ୟ ସ୍ବୀକାର କରିଛନ୍ତି । ଅନ୍ୟପଟେ ଏହାକୁ ତିଳକୁ ତାଳ କରନାହିଁ ବୋଲି ମଧ୍ୟ ପ୍ରଶଂସକଙ୍କୁ କହିଛନ୍ତି ।
ପ୍ରଥମ ଟେଷ୍ଟର ତୃତୀୟ ଦିନରେ ଭାରତ ପାଇଁ ଅସମ୍ଭବ ଚ୍ୟାଲେଞ୍ଜ ସୃଷ୍ଟି ହୋଇଥିଲା । ଦ୍ବିତୀୟ ଦିନ ସୁଦ୍ଧା 62 ରନର ଆଗୁଆ ଥିଲା ଭାରତ । ମାତ୍ର ଲିଡ୍ କୁ ଆଗକୁ ବଢାଇବା ସହ ବଡ ଲକ୍ଷ୍ୟ ଆଡକୁ ନେବାକୁ କୌଣସି ବ୍ୟାଟ୍ସମ୍ୟାନ ସଫଳ ହୋଇନଥିଲେ । ଏହାର କାରଣ ସକରାତ୍ମକ ମନୋଭାବର କମି ବୋଲି କୌଣସି ଖେଳାଳିଙ୍କ ନାମ ନ ନେଇ ବିରାଟ କହିଛନ୍ତି ।