ନୂଆଦିଲ୍ଲୀ: ଅଷ୍ଟ୍ରେଲିଆ କ୍ରିକେଟର ଷ୍ଟିଭ ସ୍ମିଥ 31ତମ ଜନ୍ମଦିନ ପାଳୁଛନ୍ତି । ପୂର୍ବତନ ଭାରତୀୟ କ୍ରିକେଟର ୱାସିମ ଜାଫର ସ୍ମିଥଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ, ବିଶ୍ବର ଅନ୍ୟତମ ଶ୍ରେଷ୍ଠ କ୍ରିକେଟର ବୋଲି କହିଛନ୍ତି ।
ଆଇସିସି ଟେଷ୍ଟ ମାନ୍ୟତାରେ ବିଶ୍ବର ନଂ1 ବ୍ୟାଟ୍ସମ୍ୟାନ ରହିଛନ୍ତି ଷ୍ଟିଭ ସ୍ମିଥ । କ୍ୟାରିୟରରେ ବଡ ଚ୍ୟାଲେଞ୍ଜର ସାମ୍ନା କରିଥିଲେ ମଧ୍ୟ, କ୍ରିକେଟର ଏହି ଲମ୍ବା ଫର୍ମାଟରେ ନିଜକୁ ଶ୍ରେଷ୍ଠ ପ୍ରମାଣିତ କରିଛନ୍ତି ସ୍ମିଥ । ଟେଷ୍ଟ କ୍ରିକେଟରେ ଦ୍ରୁତତମ 7,000 ରନ ସଂଗ୍ରହହାସଲକାରୀ ବ୍ୟାଟ୍ସମ୍ୟାନ ରହିଛନ୍ତି ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ।