ହାଇଦ୍ରାବାଦ: ଆଜିର ଦିନରେ ଦିନିକିଆ କ୍ରିକେଟରେ ସର୍ବାଧିକ ରନର ରେକର୍ଡ କରିଥିଲା ନ୍ୟୁଜିଲାଣ୍ଡ ମହିଳା ଟିମ । ଡବଲିନ ଠାରେ ବର୍ଷ 2018 ଜୁନ 8ରେ ଆୟରଲାଣ୍ଡ ବିପକ୍ଷରେ 491/4 ରନ କରିଥିଲା ନ୍ୟୁଜିଲାଣ୍ଡ ମହିଳା ଟିମ । ଏହି ସ୍କୋର ଦିନିକିଆ କ୍ରିକେଟ ଇତିହାସରେ ସର୍ବାଧିକ ଦଳଗତ ସ୍କୋର ।
ଏହି ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ । ଦୁଇ ଓପନର ଜେସ ୱାଟକିନ ଓ ସୁଜି ବେଟସ 19 ଓଭରରେ 172 ରନର ଦମଦାର ପାର୍ଟନରସିପ କରିଥିଲେ । ଏହାପରେ 62 ରନର ଅର୍ଦ୍ଧଶତକୀୟ ଇଂନିସ ଖେଳି ୱାଟକିନ ଆଉଟ ହୋଇଥିଲେ । ମାତ୍ର ବେଟସ ବ୍ୟାଟିଂ ଜାରି ରଖିବା ସହ 151 ରନର ଦମଦାର ଇଂନିସ ଖେଳିଥିଲେ ।