ନୂଆଦିଲ୍ଲୀ: ନଜଫଗଡର ନବାବ ତଥା ପୂର୍ବତନ ବିସ୍ଫୋରକ ଓପନର ବିରେନ୍ଦ୍ର ସେହ୍ବାଗ ଆଜି ଦିନରେ ପ୍ରଥମ ଭାରତୀୟ ଭାବରେ ମାରିଥିଲେ ତ୍ରିଶତକ । ପାକିସ୍ତାନର ମୁଲତାନରେ ଟେଷ୍ଟରେ ପ୍ରଥମ ଭାରତୀୟ ଭାବରେ ତ୍ରିଶତକ ହାସଲ କରିଥିଲେ ।
2004 ମସିହାରେ ଭାରତର ପାକିସ୍ତାନ ଗସ୍ତ କରିଥିଲା । ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟ ପାକିସ୍ତାନର ମୁଲତାନରେ ଖେଳାଯାଇଥିଲା। ଅଧିନାୟକ ସୌରଭ ଗାଙ୍ଗୁଲି ସିରିଜର ପ୍ରଥମ ଟେଷ୍ଟରୁ ବାଦପଡିଥିଲେ ଏବଂ ତାଙ୍କ ସ୍ଥାନରେ ନେତୃତ୍ବ ନେଇଥିଲେ ରାହୁଲ ଦ୍ରାବିଡ । ମୁଲତାନର ପ୍ରଥମ ଟେଷ୍ଟରେ ଭାରତ ପ୍ରଥମେ ବ୍ୟାଟିଂ କରିବାକୁ ନିଷ୍ପତି କରିଥିଲା । ପ୍ରଥମ ଦିନରେ ଭାରତ ପ୍ରଦର୍ଶନ ବେଶ ଉଚ୍ଚକୋଟୀର ରହିଥିଲା । ପ୍ରଥମ ଦିନରେ 228 ରନ କରି ବିରେନ୍ଦ୍ର ସେହ୍ବାଗ ଅପରାଜିତ ରହିଥିଲେ ଭାରତ 356/2 ସ୍କୋର କରିଥିଲା। ମ୍ୟାଚର ଦ୍ବିତୀୟ ଦିନରେ ସେହୱାଗ ତ୍ରିଶତକ ପୂରଣ କରିଥିଲେ ଏବଂ ପ୍ରଥମ ଭାରତୀୟ ଭାବରେ ଟେଷ୍ଟ କ୍ରିକେଟରେ ତ୍ରିଶତକ ହାସଲ କରି ଇତିହାସ ରଚିଥିଲେ ।