ମୁମ୍ବାଇ: ନିଜ 71ତମ ଜନ୍ମଦିନରେ କ୍ରିକେଟ କିମ୍ବଦନ୍ତୀ ସୁନୀଲ ଗାଭାସ୍କର ଏକ ମହତ କାର୍ଯ୍ୟ କରିବାକୁ ନିଷ୍ପତ୍ତି ନେଇଛନ୍ତି । ଖାରଗର ଠାରେ ଥିବା ଶ୍ରୀ ସତ୍ୟ ସାଇ ସଞ୍ଜୀବନି ହସ୍ପିଟାଲ ଫର ଚାଇଲ୍ଡ କେୟାର ଠାରେ ଚିକିତ୍ସିତ ହୋଉଥିବା 35 ଜଣ ଶିଶୁଙ୍କର ହାର୍ଟ ସର୍ଜରୀର ସମସ୍ତ ଖର୍ଚ୍ଚ ବହନ କରିବେ ବୋଲି ଗାଭାସ୍କର କହିଛନ୍ତି । ଯେଉଁ ଶିଶୁଙ୍କ ପିତାମାତା ଏହି ଖର୍ଚ୍ଚ ବହନ କରି ପାରିବେ ନାହିଁ ତାଙ୍କ ସହାୟତା ପାଇଁ ଆଗେଇ ଆସିଛନ୍ତି ଗାଭାସ୍କର ।
ଗତ ବର୍ଷ ମଧ୍ୟ ସେ ଏହିପରି ଶିଶୁଙ୍କୁ ସହାଯ୍ୟ କରିଥିଲେ । ତେବେ 35 ଜଣଙ୍କୁ ବାଛିବାର କାରଣ ହେଉଛି ସେ ଭାରତରେ 35ଟି ଶତକ କରିଥିବାରୁ ଏହି ସଂଖ୍ୟା ବାଛିଛନ୍ତି ।
ଜଣେ ଯେକୌଣସି କ୍ଷେତ୍ରରେ ସେବା ପ୍ରଦାନ କରି ପାରିବ କିନ୍ତୁ ଶିଶୁ ମାନଙ୍କର ଭିନ୍ନ ଗୁରୁତ୍ବ ରହିଛି । ସେମାନେ ପ୍ରତ୍ୟକ ପରିବାରର ଖୁସି ଏବଂ ଏକ ଉଜ୍ଜ୍ବଳ ଭବିଷ୍ୟତର ଆଶା ତାଙ୍କ ସହ ଯୋଡ଼ି ହୋଇଥାଏ ବୋଲି ଗାଭାସ୍କର କହିଛନ୍ତି ।
ଏହି କାର୍ଯ୍ୟ ପଛରେ ତାଙ୍କର ପ୍ରେରଣା ବିଷୟରେ ପୂର୍ବତନ କ୍ରିକେଟର କହିଛନ୍ତି ଯେ, ଦୁର୍ଭାଗ୍ୟବଶତଃ ଜନ୍ମଜାତ ହୃଦ ରୋଗ ଶିଶୁଙ୍କ ଦେହରେ ପ୍ରାୟତଃ ଦେଖା ଦେଇଥାଏ । ଅନେକଙ୍କ ପାଖରେ ବଞ୍ଚିବାର କୌଣସି ପନ୍ଥା ନଥାଏ କାରଣ ସେମାନଙ୍କ ମଧ୍ୟରୁ ଅନେକ ଖୁବ ଗରିବ ହୋଇଥାନ୍ତି ଏବଂ ଦେଶରେ ଗରିବଙ୍କ ଦେଖାଶୁଣା ପର୍ଯ୍ୟାପ୍ତ ନୁହେଁ । ‘ହାର୍ଟ ଟୁ ହାର୍ଟ’ ଫାଉଣ୍ଡେସନ ମୁଁ ଯାହା ପାଇଁ କାର୍ଯ୍ୟ କରେ ସେମାନେ ଶ୍ରୀ ସତ୍ୟ ସାଇ ସଞ୍ଜୀବନି ହସ୍ପିଟାଲ ଫର ଚାଇଲ୍ଡ କେୟାର ସେଣ୍ଟର ଯାହା ରାଇପୁର, ପଲୱାର, ହରିୟାଣା, ଓ ଖରଗର ରହିଛି ତା ମାଧ୍ୟମରେ ଶହ ଶହ ଶିଶୁଙ୍କୁ ବିନା କୌଣସି ମୁଲ୍ୟରେ ଜୀବନ ଉପହାର ଦିଅନ୍ତି । ତାଙ୍କର ମୋଟୋ ହେଉଛି ‘‘ ନୋ ଡିଲ, ନୋ ବିଲ’’ ।
