କଟକ:ପ୍ରଥମ ମ୍ୟାଚରେ ପରାଜିତ ହେଲା ଓଡ଼ିଶା ମହିଳା ଦଳ। ସୁରଟରେ ଖେଳାଯାଇଥିବା ସିନିଅର ମହିଳା ଏକଦିବସୀୟ ଟ୍ରଫିର ପ୍ରଥମ ମ୍ୟାଚରେ ଓଡ଼ିଶାକୁ 5 ୱିକେଟରେ ହରାଇଛି ଝାଡ଼ଖଣ୍ଡ। ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଓଡ଼ିଶା। 46 ଓଭରରେ ସମସ୍ତ ୱକେଟ ହରାଇ 150 ରନ କରିଥିଲା ଦଳ। ଓଡ଼ିଶା ପକ୍ଷରୁ ସୁଶ୍ରୀ ଦିବ୍ୟଦର୍ଶିନୀ 32 ରନ୍ , ରୋସନାରା ପରବିନ 26 ରନ୍ , ଓ ସରିତା ମେହେର 24 ରନ୍ କରିଥିଲେ ।
ଯେନତେନ ପ୍ରକାରେଣ ଦଳ 150 ରନ କରି ପାରିଥିଲା। 42 ଓଭରରେ 5 ୱିକେଟ ହରାଇ ଝାଡ଼ଖଣ୍ଡ 151 ରନ ବିଜୟ ଲକ୍ଷ୍ୟକୁ ହାସଲ କରିଥିଲା। ଦଳ ପକ୍ଷରୁ ରୁମା 29 ରନ୍, ନିହାରିକା 24 ରନ୍ ଓ ରଶ୍ମି 22 ରନ୍ କରିଥିଲେ । ଆସନ୍ତା ମ୍ୟାଚରେ ହାଇଦ୍ରାବାଦକୁ ଭେଟିବ ଓଡ଼ିଶା।