କଟକ:ବିସିସିଆଇର ଘରୋଇ ସିଜିନର ବିଜୟ ହଜାରେ ଟ୍ରଫି ପାଇଁ ଓଡିଶା କ୍ରିକେଟ ଆସୋସିଏସନ(ଓସିଏ) ପ୍ରସ୍ତୁତି ଆରମ୍ଭ କରିଛି । ପ୍ରଥମ ପର୍ଯ୍ୟାୟରେ 147 ଜଣ ଖେଳାଳିଙ୍କୁ ଚୟନ କରାଯାଇଛି । ଆସନ୍ତା 27ରେ ଖେଳାଳିମାନେ ପହଞ୍ଚିବା ସହ 28ରୁ କଟକରେ ଆରମ୍ଭ ହେବ ଶିବିର । ପରେ ଫେବୃଆରୀ ପହିଲାରୁ ଟ୍ରାଏଲ ମ୍ୟାଚ ଆରମ୍ଭ ହେବ । ଏନେଇ ସୂଚନା ଦେଇଛନ୍ତି ଓସିଏ ବରିଷ୍ଠ ଚୟନକର୍ତ୍ତା କମିଟି ଅଧ୍ୟକ୍ଷ ପ୍ରଭଞ୍ଜନ ମଲ୍ଲିକ।
ବିଜୟ ହଜାରେ ଟ୍ରଫି ପାଇଁ ଓସିଏର କସରତ ଆରମ୍ଭ
ଏହି ଖେଳାଳି ମାନେ ବିଭିନ୍ନ ପର୍ଯ୍ୟାୟରେ ପରୀକ୍ଷା ଦେବେ। ଏହା ପରେ 15 ଜଣିଆ ଦକ୍ଷ ଚୁଡାନ୍ତ ଦଳ ଚୟନ ହେବ । ପୂର୍ବରୁ ଓସିଏ ଆୟୋଜନ କରିଥିବା ଆନ୍ତଃଜିଲା ଟି20 ଲିଗ, ମୁସ୍ତାକ ଅଲି ଟ୍ରଫି ଓ ଅନ୍ୟାନ୍ୟ ବୟସ ବର୍ଗ ଖେଳାଳିଙ୍କ ମଧ୍ୟରୁ ଏହି 147 ଜଣ ଖେଳାଳିଙ୍କୁ ଚୟନ କରାଯାଇଛି ।