PAK vs BAN: ପାକିସ୍ତାନରେ ଟେଷ୍ଟ ମ୍ୟାଚ ଖେଳିବାକୁ ମନାକଲା ବାଂଲାଦେଶ

ପାକିସ୍ତାନରେ ଟେଷ୍ଟ ମ୍ୟାଚକୁ ଖେଳିବାକୁ ନାଁ କଲା ବାଂଲାଦେଶ । ବାଂଲା ସରକାର ବୋର୍ଡକୁ କେବଳ ସିମିତି ଅବିଧି ପାଇଁ  କ୍ରିକେଟ ଟିମକୁ ପାକିସ୍ତାନ ପଠାଇବାର ଅନୁମତି ଦେଇଛି ।

ଢାକା: ପାକିସ୍ତାନରେ ଟେଷ୍ଟ ମ୍ୟାଚ ଖେଳିବ ନାହିଁ ବାଂଲାଦେଶ । ସ୍ପଷ୍ଟ ଭାବେ ମନା କରିଦେଇଛି ବାଂଲାଦେଶ କ୍ରିକେଟ ବୋର୍ଡ(ବିସିବି) । ବିସିବି କହିଛି, ପାକିସ୍ତାନରେ କେବଳ ଟି-20 ମ୍ୟାଚ ଖେଳିବାକୁ ଯିବ ଟିମ ।

ବିସିବି ଅଧ୍ୟକ୍ଷ ନଜମୁଲ ହସନ ଗତ ରବିବାର ଦିନ ବୋର୍ଡ ବୈଠକ ପରେ କହିଛନ୍ତି ଯେ, ସୁରକ୍ଷା ଦୃଷ୍ଟିରୁ ଟେଷ୍ଟ ସିରିଜ ଖେଳିବା ସମ୍ଭବ ନୁହେଁ । ଇରାନ-ଆମେରିକା ମଧ୍ୟରେ ଚାଲିଥିବା ତିକ୍ତତା କାରଣରୁ ମଧ୍ୟପୂର୍ବ ଆଞ୍ଚଳରେ ପରିସ୍ଥିତି ବହୁତ ଖରାପ ରହିଛି । ଏହି କାରଣରୁ ସରକାର ବୋର୍ଡକୁ କେବଳ ସିମିତି ଅବିଧି ପାଇଁ କ୍ରିକେଟ ଟିମକୁ ପାକିସ୍ତାନ ପଠାଇବାର ଅନୁମତି ଦେଇଛି । ଆହୁରି ମଧ୍ୟ ସେ କହିଛନ୍ତି ଯେ, ସରକାର ଆମମାନଙ୍କୁ କହିଛି ପାକିସ୍ତାନ ଗସ୍ତ କମ୍‌ ଦିନ ପାଇଁ ହେଲେ ବହୁତ ଭଲ । 3 ମ୍ୟାଚ ବିଶିଷ୍ଟ ଟି-20 ସିରିଜ ଖେଳି ଯଥା ଶୀଘ୍ର ଫେରିବାକୁ ସରକାର କହିଛି ।

ଏହାପରେ ପାକିସ୍ତାନ କିନ୍ତୁ ଆଶା ଛାଡି ନାହିଁ । ପିସିବି ବୋର୍ଡ ଏହି ସପ୍ତାହରେ ଦୁବାଇରେ ହେବାକୁ ଥିବା ଆଇସିସି ବୈଠକରେ ବିସିବି ଅଧ୍ୟକ୍ଷଙ୍କୁ ଟେଷ୍ଟ ମ୍ୟାଚ ପାଇଁ ମନେଇବାକୁ ପ୍ରୟାସ କରିବ ।