ନୂଆଦିଲ୍ଲୀ: ଆଗାମୀ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ପାଇଁ ନ୍ୟୁଜିଲାଣ୍ଡର ନୂଆ ଟେଷ୍ଟ ଜର୍ସି ଉନ୍ମୋଚନ ହୋଇଛି । ଆଇସିସିର ନୂଆ ନିୟମାନୁସାରେ ଏବେ ଟେଷ୍ଟ ଜର୍ସି ପଛରେ ଖେଳାଳିଙ୍କ ନାମ ଓ ଜର୍ସି ନମ୍ବର ଲେଖା ହେବ । ତେବେ ନିଜର 22 ନମ୍ବର ଜର୍ସି ପିନ୍ଧି ସୋସିଆଲ ମିଡିଆରେ ଫଟୋ ସେୟାର କରିଛନ୍ତି କେନ ୱିଲିୟମସନ।
ତେବେ ନ୍ୟୁଜିଲାଣ୍ଡ କ୍ରିକେଟ ବୋର୍ଡ ନିଜ ଟ୍ବିଟର ଆକାଉଣ୍ଟରେ ଫଟୋ ସେୟାର କରି ଲେଖଛି, " ରେଡି ଫର ଟେଷ୍ଟ ଚମ୍ପିଆନସିପ୍ " । ତେବେ ଏହି ଚମ୍ପିଆନସିପରେ ନ୍ୟୁଜିଲାଣ୍ଡ ଅଗଷ୍ଟରେ ଶ୍ରୀଲଙ୍କା ବିପକ୍ଷରେ ପ୍ରଥମ ଟେଷ୍ଟ ସିରିଜ ଖେଳିବ । ଏଥିପାଇଁ 15 ଜଣିଆ ନ୍ୟୁଜିଲାଣ୍ଡ ଦଳ ଘୋଷଣା ହୋଇଛି ।