ନୂଆଦିଲ୍ଲୀ:ଆଦିତ୍ୟ ତାରେଙ୍କ ଅପରାଜିତ 118 ଓ କ୍ୟାପଟେନ ପୃଥୀ ଶ'ଙ୍କ ଧୁଆଁଧାର 39 ବଲରୁ 73 ରନ ବଳରେ ଉତ୍ତର ପ୍ରଦେଶକୁ ହରାଇ 2021 ସଂସ୍କରଣର ବିଜୟ ହଜାରେ ଟ୍ରଫି ହାତେଇଲା ମୁମ୍ବାଇ ।
ସ୍ଥାନୀୟ ଅରୁଣ ଜେଟଲି ଷ୍ଟାଡିୟମରେ ରବିବାର ଖେଳାଯାଇଥିବା ଫାଇନାଲ ଫାଇଟରେ 6 ୱିକେଟରେ ଉତ୍ତର ପ୍ରଦେଶକୁ ହରାଇଛି ମୁମ୍ବାଇ ।
ଓପନର ମାଧବ କୌଶିକଙ୍କ ଅପରାଜିତ 158 ରନ ସହାତାରେ ପ୍ରଥମେ ବ୍ୟାଟିଂ କରି ଉତ୍ତର ପ୍ରଦେଶ 312/4 ରନ ସହ ବଡ ବିଜୟ ଲକ୍ଷ୍ୟ ଧାର୍ଯ୍ୟ କରିଥିଲା । ମାତ୍ର ଫର୍ମରେ ଥିବା ମୁମ୍ବାଇର ବିସ୍ଫୋରକ ବ୍ୟାଟିଂକ୍ରମ ସାମ୍ନାରେ ଏହା ଅଧିକ ନଥିଲା । ମାତ୍ର 41.3 ଓଭରରେ 315/4 ସହ ସହଜରେ ବିଜୟ ଲକ୍ଷ୍ୟ ହାସଲ କରିନେଇଥିଲା ମୁମ୍ବାଇ । ଚଳିତ ବର୍ଷର ଟୁର୍ଣ୍ଣାମେଣ୍ଟରେ ପ୍ରତିଟି ମ୍ୟାଚ ବିଜୟୀ ହୋଇଛି ମୁମ୍ବାଇ ।