ଚେନ୍ନାଇ: ପ୍ରଥମ କ୍ବାଲିଫାୟର ମ୍ୟାଚରେ ଫେଲ ମାରିଛନ୍ତି ଚେନ୍ନାଇର ଓପନର । ଓପିନିଂ ଯୋଡି ଫାପ ଡୁ ପ୍ଲେସିସ ଓ ସେନ ୱାଟସନ ପ୍ରଥମ ୱିକେଟ ଯୋଡିରେ ମାତ୍ର 6ରନ କରିଛନ୍ତି । ତେବେ ଧୋନି ରାଇଡୁଙ୍କ ଅପରାଜିତ 66ରନ ଭାଗୀଦାରି ବଳରେ ନିର୍ଦ୍ଧାରିତ 20 ଓଭରରେ 4ୱିକେଟ ହରାଇ 131ରନ କରିଛି ଚେନ୍ନାଇ । ତେବେ ମୁମ୍ବାଇକୁ 132ରନର ବିଜୟ ଲକ୍ଷ୍ୟ ମିଳିଛି ।
ଚେପକ୍ରେ ଚମକିଛନ୍ତି ମୁମ୍ବାଇ ବୋଲର । ମାତ୍ର 6ରନରେ ଫାପ ଡୁ ପ୍ଲେସିସଙ୍କୁ ପାଭେଲିଅନ ପାଠାଇଛନ୍ତି ମୁମ୍ବାଇର ରହୁଲ ଚହର । ସେହିପରି 2ୟ ୱିକେଟ ଭାବେ ୱାଟସନଙ୍କୁ ଆଉଟ କରିଛନ୍ତି କୃନାଲ ପାଣ୍ଡ୍ୟା । ଚେନ୍ନାଇର ଭରସାଯୋଗ୍ୟ ବ୍ୟାଟ୍ସମ୍ୟାନ ସୁରେଶ ରାଇନା ମଧ୍ୟ ଫେଲ ମାରିଛନ୍ତି । ତେବେ ଶେଷରେ 5ମ ଓ 6ୱିକେଟ ପାଇଁ ବ୍ୟାଟିଂ ଆସିଥିବା କ୍ୟାପ୍ଟେନ କୁଲ ଧୋନି ଓ ଅମ୍ବାତି ରାଇଡୁ ଦଳର ପାଳି ସମ୍ଭାଳିଛନ୍ତି । ଧୋନି 29ବଲରୁ 37ରନ ଓ ରାଇଡୁ 37ବଲରୁ 42ରନ କରି ଅପରାଜିତ ରହିଛନ୍ତି ।