ଦୁବାଇ:ଅନ୍ତର୍ଜାତୀୟ କ୍ରିକେଟ ପରିଷଦ(ICC) ପକ୍ଷରୁ ଘୋଷଣା ହୋଇଛି ପ୍ରତିକ୍ଷୀତ ଦଶନ୍ଧିର ଆଇସିସି ସ୍ପିରିଟ ଅଫ୍ କ୍ରିକେଟ ପୁରସ୍କାର ବିଜେତାଙ୍କ ନାମ । ପୂର୍ବତନ ଭାରତୀୟ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ମିଳିଛି ଏହି ସମ୍ମାନଜନକ ପୁରସ୍କାର ।
କ୍ରିକେଟକୁ ଭଦ୍ରଲୋକଙ୍କ ଖେଳ କୁହାଯାଏ । ବର୍ଷ 2011 ନଟିଂଘାମ ଟେଷ୍ଟରେ ଇଂଲଣ୍ଡ ବ୍ୟାଟ୍ସମ୍ୟାନ ଇଆନ ବେଲ ବିବାଦୀୟ ରନ ଆଉଟ ପରେ ପାଭିଲିୟନ ଫେରୁଥିଲେ । ମାତ୍ର ଖେଳୁଆଡ ମନୋଭାବ ଦେଖାଇ ପୁଣି ବ୍ୟାଟିଂ ପାଇଁ ଡାକିଥିଲେ ଧୋନି । ପ୍ରତିପକ୍ଷ ଦଳର ହୋଇଥିଲେ ମଧ୍ୟ ଧୋନିଙ୍କ ଏପରି ବିଚାରକୁ କ୍ରିକେଟ ଜଗତ ପ୍ରଶଂସା କରିଥିଲା । ସେତେବେଳେ କ୍ୟାପଟେନ କୁଲ ଧୋନିଙ୍କ ଏପରି ସ୍ବଭାବ ବିଶ୍ବର ଅଗଣିତ କ୍ରିକେଟ ପ୍ରେମୀଙ୍କ ହୃଦୟକୁ ଛୁଇଁଥିଲା ।
ଏହା 2011 ବର୍ଷର ସ୍ପିରିଟ ଅଫ ଦ କ୍ରିକେଟ ପୁରସ୍କାର ମଧ୍ୟ ଜିତିଥିଲା ।
ଧୋନିଙ୍କ ଏହି ହୃଦୟସ୍ପର୍ଶୀ ବିଚାର ଗତ ଦଶ ବର୍ଷରେ ଶ୍ରେଷ୍ଠ ଭାବେ ବିବେଚିତ ହୋଇଛି । ଏନେଇ ଆଇସିସି ପକ୍ଷରୁ ଟ୍ବିଟ ଯୋଗେଁ ଘୋଷଣା କରାଯାଇଛି ।
ପୂର୍ବରୁ ରବିବାର ଦଶନ୍ଧିର ଶ୍ରେଷ୍ଠ ଆଇସିସି ଦିନିକିଆ ଦଳର କ୍ୟାପଟେନ ଭାବେ ମଧ୍ୟ ଧୋନିଙ୍କୁ ଚୟନ କରାଯାଇଛି ।
ନଜର ପକାନ୍ତୁ ଆଇସିସି ଆୱାର୍ଡ 2020ବିଜେତାଙ୍କ ସଂପୂର୍ଣ୍ଣ ସୂଚୀ ଉପରେ...