ଚମ୍ପିଆନ ବ୍ରାଭୋଙ୍କ ଭିଡିଓ ରିଲିଜ, ଧୋନିଙ୍କୁ ଶୁଭେଚ୍ଛା ବାର୍ତ୍ତା

'କ୍ୟାପଟେନ କୁଲ୍' ମହେନ୍ଦ୍ର ସିଂହ ଧୋନି 39ତମ ଜନ୍ମଦିନ ପାଳନ କରୁଛନ୍ତି । ୱେଷ୍ଟଇଣ୍ଡିଜ ଅଲରାଉଣ୍ଡର ଡ୍ବାଇନ ବ୍ରାଭୋ ଏକ ଭିଡିଓ ରିଲିଜ କରି ଧୋନିଙ୍କୁ ଶୁଭେଚ୍ଛା ଜଣାଇଛନ୍ତି ।

ହାଇଦ୍ରାବାଦ: 'କ୍ୟାପଟେନ କୁଲ୍' ମହେନ୍ଦ୍ର ସିଂହ ଧୋନି 39ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ୱେଷ୍ଟଇଣ୍ଡିଜ ଅଲରାଉଣ୍ଡର ଡ୍ବାଇନ ବ୍ରାଭୋ ଏକ ଭିଡିଓ ରିଲିଜ କରି ଧୋନିଙ୍କୁ ଶୁଭେଚ୍ଛା ଜଣାଇଛନ୍ତି ।

ବ୍ରୋଭୋ, ଏହାର ଟାଇଟେଲ ରଖିଛନ୍ତି 'ହେଲିକପ୍ଟର 7' । "ମହେନ୍ଦ୍ର ସିଂହ ଧୋନି ନଂ 7, ମହେନ୍ଦ୍ର ସିଂହ ଧୋନି ନଂ 7, ସମସ୍ତ ରାଞ୍ଚି ଡାକେ ଧୋନି, ଇଣ୍ଡିଆ ଡାକେ ମାହି, ଚେନ୍ନାଇ ଡାକେ ଥାଲା, ମହେନ୍ଦ୍ର ସିଂହ ଧୋନି ସମସ୍ତଙ୍କ ପ୍ରିୟ" ।

ଏହି ଭିଡିଓରେ ଆଇସିସି ଟ୍ରଫି ସହ, ଧୋନିଙ୍କ ସଫଳ କ୍ୟାରିୟରର ଝଲକକୁ ଦର୍ଶାଇଛନ୍ତି । ଧୋନି 2005ରେ ପ୍ରଥମ ଶତକ ପାକିସ୍ତାନ ବିପକ୍ଷରେ ନଂ3 ସ୍ଥାନରେ ବ୍ୟାଟିଂ କରି ହାସଲ କରିଥିଲେ । ଗାଙ୍ଗୁଲି ଧୋନିଙ୍କ ପାଇଁ ନିଜ 3ନଂ ବ୍ୟାଟିଂ ଅର୍ଡର ତ୍ୟାଗ କରିଥିଲେ ।

ବ୍ରାଭୋ ଧୋନିଙ୍କ ଆଇପିଏଲ ଟିମ ଚେନ୍ନାଇ ସୁପର କିଙ୍ଗ୍ସର ସାଥୀ ଖେଳାଳି ରହିଛନ୍ତି ।