ହାଇଦ୍ରାବାଦ: ଭାରତୀୟମାନେ କ୍ରିକେଟ ପାଇଁ କେତେ ପାଗଳ ସାରା ଦୁନିଆ ଜାଣିଛି । ଭାରତରେ କ୍ରିକେଟ କେବଳ ଗୋଟେ ଖେଳ ନୁହେଁ, ଏହା ଏକ ଧର୍ମ । ଗାଁର ଗଳି ଠାରୁ ଆରମ୍ଭ କରି ସହରର ରାସ୍ତା, ଷ୍ଟାଡିୟମରେ କ୍ରିକେଟ ଦେଖିବାକୁ ମିଳିଥାଏ । ଆଉ ଭାରତର ପ୍ରାୟ ପ୍ରତ୍ୟେକ ଶିଶୁ ବଡହେଲେ କ୍ରିକେଟର ହେବା ନେଇ ଭାବି ନେଇଥାଏ ।
ତେବେ ସେହିଭଳି ଏକ ଭିଡିଓ ଭାରତର ପୂର୍ବତନ ଖେଳାଳି ମହମ୍ମଦ କୈଫ ପୋଷ୍ଟ କରିଛନ୍ତି । ସେହି ଭିଡିଓଟି ଦେଖିବା ମାତ୍ରେ ହିଁ ସମସ୍ତଙ୍କ ହୃଦୟକୁ ଛୁଇଁଯାଇଛି ।
ଭିଡିଓଟି 27ସେକେଣ୍ଡର ରହିଛି । ବ୍ୟସ୍ତବହୁଳ ରାସ୍ତାରେ ପ୍ରାୟ 2/3 ବର୍ଷର ଶିଶୁଟି ବ୍ୟାଟିଂ କରୁଛି ଓ ମା' ବୋଲିଂ । ପ୍ଲାଷ୍ଟିକ ବ୍ୟାଟରେ ଶିଶୁଟି କ୍ରିକେଟ ଖେଳୁଛି । ଏଥିରୁ ସ୍ପଷ୍ଟ ବାରି ହେଉଛି କ୍ରିକେଟର କ୍ରେଜ କେତେ । ଆହୁରି ମଧ୍ୟ ଦେଖିଲେ ଜଣା ପଡୁଛି ମା ସଂସାରର ପ୍ରଥମ ଗୁରୁ । ସେ ତା'ର କୁନି ଶିଶୁକୁ କ୍ରିକେଟ ଖେଳ କ'ଣ ଶିଖାଉଛି ।
ତେବେ ଏହି ସୁନ୍ଦର ଭିଡିଓଟିକୁ କୈଫ ପୋଷ୍ଟ କରି ଲେଖିଛନ୍ତି, ମା' ବୋଲିଂ କରୁଛି ଓ ଶିଶୁ ଟି ବ୍ୟାଟିଂ । ଗୋଟିଏ ଶବ୍ଦରେ କହିଲେ, ଅତି ସୁନ୍ଦର । ଏହି ଭିଡିଓକୁ ଫ୍ୟାନ୍ସମାନେ ବହୁତ ପସନ୍ଦ କରିବା ସହ ନିଜର ନିଜର ପିଲାଦିନର ସ୍ମୃତି ମନେ ପଡିଯାଇଥିବା ରିଟ୍ବିଟ କରିଛନ୍ତି ।