'ଭାରତ ଯଦି ସ୍ମାର୍ଟ, ତାହେଲେ ବିଶ୍ବକପ ପୂର୍ବରୁ କୋହଲିଙ୍କୁ ବିଶ୍ରାମ ଦେଉ'

ଆରସିବି ଚଳିତ ଆଇପିଏଲରେ କ୍ରମାଗତ 6 ପରାଜୟ ବରଣ କରିଛି । ଏହାକୁ ନେଇ ମତ ରଖିଛନ୍ତି ଇଂଲଣ୍ଡ କ୍ରିକେଟ ଦଳର ପୂର୍ବତନ ଅଧିନାୟକ ମାଇକେଲ ଭନ । ସେ କହିଛନ୍ତି, କୋହିଲିଙ୍କୁ ବର୍ତ୍ତମାନ ସମୟରେ ବିଶ୍ରାମ ଆବଶ୍ୟକ।

ହାଇଦ୍ରାବାଦ୍‌: ଇଂଲଣ୍ଡ କ୍ରିକେଟ୍‌ ଟିମ୍‌ର ପୂର୍ବତନ ଅଧିନାୟକ ମାଇକେଲ ଭନ ଆରସିବିର କ୍ରମାଗତ ପରାଜୟକୁ ନେଇ ନିଜ ମତ ରଖିଛନ୍ତି । ଆରସିବିର ଅଧିନାୟକ ବିରାଟ କୋହଲିଙ୍କୁ ବର୍ତ୍ତମାନ ବିଶ୍ରାମ ଦେବାକୁ ସେ କହିଛନ୍ତି ।

ମାଇକଲ ନିଜର ଟ୍ବିଟରରେ ଉଲ୍ଲେଖ କରିଛନ୍ତି, ଯଦି ଭାରତ ସ୍ମାର୍ଟ ତେବେ ବିଶ୍ବକପ୍‌ ପୂର୍ବରୁ କୋହଲିଙ୍କୁ ବିଶ୍ରାମ ଦେଉ। ତାଙ୍କୁ ଏହି ବଡ ଇଭେଣ୍ଟ ଆରମ୍ଭ ହେବା ପୂର୍ବରୁ ନିଜ ପାଇଁ କିଛି ସମୟ ଦେବା ଦରକାର।

ସୂଚନାଥାଉକି, ରବିବାର ଆରସିବି ଚଳିତ ଆଇପିଏଲରେ ଦିଲ୍ଲୀ କ୍ୟାପିଟଲ୍ସ ଠାରୁ ହାରି ଯାଇଥିଲା। ଯାହା ଆରସିବର କ୍ରମାଗତ ଭାବେ 6ଷ୍ଠ ପରାଜୟ ଥିଲା।

ବର୍ତ୍ତମାନ ଏହି ଲିଗ୍‌ରେ 8ଟି ମ୍ୟାଚ୍‌ ବାକି ଅଛି । ପ୍ଲେ ଅଫ୍‌ରେ ଯୋଗ୍ୟତା ହାସଲ କରିବା ପାଇଁ ଆରସିବିକୁ ସମସ୍ତ ମ୍ୟାଚ୍‌ ଜିତିବାକୁ ପଡିବ ।