ମଞ୍ଚେଷ୍ଟର: ଇଂଲଣ୍ଡ ବନାମ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଦିନିକିଆ ସିରିର ପ୍ରଥମ ମ୍ୟାଚକୁ ଜିତି ନେଇଛି ଅଷ୍ଟ୍ରେଲିଆ । ମଞ୍ଚେଷ୍ଟର ଓଲ୍ଡ ଟ୍ରାଫଡରେ ଖେଳାଯାଇଥିବା ଏହି ମାଚକୁ ଅଷ୍ଟ୍ରେଲିଆ 19 ରନରେ ଜିତିଛି ।
295 ରନ ଲକ୍ଷ୍ୟକୁ ପିଛା କରି ପଡ଼ିଆକୁ ଓହ୍ଲାଇଥିବା ଆୟୋଜକ ଇଂଲଣ୍ଡ ଦଳର ଆରମ୍ଭ ଭଲ ନଥିଲା । 4 ଓଭରରେ ଇଂଲଣ୍ଡ ନିଜର ପ୍ରଥମ ୱିକେଟ ହରାଇଥିଲା । ଏହା ପରେ ପରେ ଇଅନ ମର୍ଗାନଙ୍କ ଦଳକୁ ଜୋ ରୁଟଙ୍କ ଭାବରେ ଆଉ ଏକ ଝଟକା ଲାଗିଥିଲା । ଅଷ୍ଟ୍ରେଲିଆ ବୋଲର ଜସ ହେଜେଲଉଡ ରୁଟଙ୍କୁ ପଭିଲିୟନ ପଠାଇ ଦେଇଥିଲେ ।
ଅଧିନାୟକ ମର୍ଗାନଙ୍କ ସହ ଜନି ବୈରଷ୍ଟ୍ରୋ ଇଂଲଣ୍ଡର ନୌକା ପାରି କରାଇବାକୁ ଚେଷ୍ଟା କରି ବିଫଳ ହୋଇଥିଲେ ଓ ଆଡାମ ଜାମ୍ପାଙ୍କ ହାତରେ ନିଜ ୱିକେଟ ହରାଇ ବସିଲେ । ଟି-20 ସିରିଜରେ ମ୍ୟାନ ଅଫ ଦ ସିରିଜ ହୋଇଥିବା ଜସ ବଟଲର ମଧ୍ୟ ଜାମ୍ପାଙ୍କ ବଲର ଶିକାର ହୋଇଥିଲେ ।
ସାମ ବିଲିଙ୍ଗ୍ସ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇବା ପରେ ଇଂଲଣ୍ଡର ସ୍ଥିତିରେ କିଛିଟା ସୁଧାର ଆସିଥିଲା । ବିଲିଙ୍ଗ୍ସ ଚମତ୍କାର ବ୍ୟାଟିଂ ପ୍ରଦର୍ଶନ କରି ଶତକ ହାସଲ କରିଥିଲେ । ବୈରଷ୍ଟ୍ରୋ ସହ ମିଶି ଉଭୟ 36 ଓଭରରେ ଟିମର ସ୍କୋରକୁ 170 ରନରେ ପହଁଞ୍ଚାଇଥିଲେ । ଇଂଲଣ୍ଡ ଯେତେବେଳେ ସୁରକ୍ଷିତ ସ୍ଥିତିରେ ଅଛୁ ବୋଲି ଅନୁଭବ କଲା ଠିକ ସେତିକି ବେଳେ ହେଜଲଉଡ ଡାଇଭ କରି ଇଂଲଣ୍ଡ ଟିମର ପାଳି ସମ୍ଭାଳୁଥିବା ଖେଳାଳି ବୈରଷ୍ଟ୍ରୋଙ୍କ ବିଚକ୍ଷଣ କ୍ୟାଚ ନେଇଥିଲେ ଓ ନିଜ ଦଳ ପାଇଁ ବିଜୟ ପକ୍କା କରି ଦେଇଥିଲେ ।