ନୂଆଦିଲ୍ଲୀ: ଆଜି ଭାରତୀୟ କ୍ରିକେଟ ପାଇଁ ଏକ ସ୍ମରଣୀୟ ଦିନ । 30 ମାର୍ଚ୍ଚ 2011, ଏହି ଦିନକୁ ଭାରତୀୟ କ୍ରିକେଟ ପ୍ରେମୀ କେବେ ଭୁଲି ପାରିବେ ନାହିଁ । କାରଣ ଏହି ଦିନ ପାରମ୍ପରିକ ପ୍ରତିଦ୍ବନ୍ଦୀ ପାକିସ୍ତାନକୁ ପରାସ୍ତ କରି ଭାରତୀୟ କ୍ରିକେଟ ଦଳ ବିଶ୍ବକପ ଜିତିବା ପାଇଁ ଆଉ ପାଦେ ଆଗକୁ ବଢିଥିଲା ।
ତତ୍କାଳୀନ କ୍ୟାପେଟନ ମହେନ୍ଦ୍ର ସିଂ ଧୋନିଙ୍କ ନେତୃତ୍ବରେ ଭାରତୀୟ ଟିମ ବିଶ୍ବକପ ଦଖଲ ପାଇଁ ଗୋଟିଏ ପରେ ଗୋଟିଏ ଆହ୍ବାନକୁ ଗ୍ରହଣ କରି ଫାଇନାଲକୁ ପ୍ରବେଶ କରିଥିଲା । କିନ୍ତୁ ଯେତେବେଳେ ଚିର ପ୍ରତିଦ୍ବନ୍ଦୀ ପାକିସ୍ତାନକୁ ସେମିଫାଇନାଲରେ ପରାସ୍ତ କରି ଟିମ ଇଣ୍ଡିଆ ଫାଇନାଲକୁ ପ୍ରବେଶ କରିଥିଲା ତାହା କୋଟି କୋଟି ଭାରତୀୟଙ୍କ ପାଇଁ ଫାଇନାଲ ସଦୃଶ ଥିଲା ।
2011 ଦିନିକିଆ ବିଶ୍ବକପର ପ୍ରଥମ ସେମିଫାଇନାଲରେ ଦୁଇ ଚିର ପ୍ରତିଦ୍ବନ୍ଦ୍ବୀ ଭାରତ ଓ ପାକିସ୍ତାନ ମୁହାଁମୁହିଁ ହୋଇଥିଲେ । ଏହି ହାଇ-ଭୋଲଟେଜ ଲଢେଇରେ ପାକିସ୍ତାନକୁ 29 ରନରେ ପରାସ୍ତ କରି ବିଶ୍ବକପ ଫାଇନାଲରେ ପ୍ରବେଶ କରିଥିଲା ଭାରତ । ଭାରତ 50 ଓଭରରେ 260 ରନ ସଂଗ୍ରହ କରିଥିଲା । ସଚିନ ତେନ୍ଦୁଲକର 85 ରନର ଦମଦାର ଇଂନିସ ଖେଳିଥିଲେ । 261 ରନର ପିଛା କରି ପଡିଆକୁ ଓହ୍ଲାଇଥିବା ପାକିସ୍ତାନକୁ ଧରାଶାୟୀ କରିଥିଲେ ଭାରତୀୟ ବୋଲର । ମାତ୍ର 231ରନ କରିବାକୁ ସମର୍ଥ ହୋଇଥିଲା ପାକିସ୍ତାନ ।
କେଉଁଠି ହୋଇଥିଲା ମ୍ୟାଚ...