ମେଲବର୍ଣ୍ଣ: ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ଲିସା ସ୍ଥାଲେକର ଶୁକ୍ରବାର ଅଷ୍ଟ୍ରେଲିଆନ କ୍ରିକେଟ ହଲ ଅଫ ଫେମରେ ସାମିଲ ହୋଇଛନ୍ତି । ପୂର୍ବରୁ 2020ରେ ତାଙ୍କୁ ସମ୍ମାନଜନକ ଆଇସିସି ହଲ ଅଫ୍ ଫେମ ସମ୍ମାନ ମିଳିଥିଲା ।
ବିଶ୍ବ କ୍ରିକେଟର ଅନ୍ୟତମ ଶ୍ରେଷ୍ଠ ସ୍ପିନ ବୋଲିଂ ଅଲରାଉଣ୍ଡର, ସ୍ଥାଲେକର ନିଜ କ୍ରିକେଟ କ୍ୟାରିୟରରେ ବର୍ଷ 2001ରୁ 13 ମଧ୍ୟରେ 8ଟି ଟେଷ୍ଟ, 125ଟି ଅନ୍ତର୍ଜାତୀୟ ଦିନିକିଆ ଓ 54ଟି ଟି20 ମ୍ୟାଚ ଖେଳିବା ସହ ପ୍ରାୟ 4,000 ରନ ସଂଗ୍ରହ କରିଛନ୍ତି । ଏଥିରେ 3ଟି ଶତକୀୟ ଇଂନିସ ମଧ୍ୟ ସାମିଲ ରହିଛି ।
ସ୍ଥାଲେକର, 4ଟି ବିଶ୍ବକପ ବିଜୟୀ ଅଷ୍ଟ୍ରେଲିଆ ଦିନିକିଆ ଟି20 ଟିମର ସଦସ୍ୟ ରହିଛନ୍ତି । ଏଥିସହ ନ୍ୟୁଜିଲାଣ୍ଡ ବିପକ୍ଷରେ ବର୍ଷ 2006 ରେ 3ଟି ଦିନିକିଆ ମ୍ୟାଚରେ ଅଧିନାୟକ ଦାୟିତ୍ବ ସମ୍ଭାଳିଛନ୍ତି ।