ମୁମ୍ବାଇ: ଲସିଥ ମାଲିଙ୍ଗା ସମେତ 7 ଜଣଙ୍କୁ ରିଲିଜ କଲା ଗତଥରର ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ । ବୁଧବାର ମୁମ୍ବାଇ ଇଣ୍ଡିଆନ୍ସ ତାର 7 ଜଣ ଖେଳାଳିଙ୍କୁ 2021 ଆଇପିଏଲ ପୂର୍ବରୁ ରିଲିଜ କରିଛି ।
ରେକର୍ଡ ପାଞ୍ଚଥରର ଆଇପିଏଲ ବିଜେତା ମୁମ୍ବାଇ ଇଣ୍ଡିଆନ୍ସ ତାର 18 ଜଣ ଖେଳାଳିଙ୍କୁ ରିଟେନ କରିଥିବା ବେଳେ 7 ଜଣ ଖେଳାଳିଙ୍କୁ ରିଲିଜ କରିଛି । ମୁମ୍ବାଇ ଇଣ୍ଡିଆନ୍ସ ଚଳିତ ବର୍ଷ ପାଇଁ 4 ଜଣ ବିଦେଶୀ ଖେଳାଳିଙ୍କୁ କ୍ରୟ କରିବ । ମିନି ଅକ୍ସନ ପ୍ରକ୍ରିୟା ଜରିଆରେ ସମସ୍ତଙ୍କୁ କ୍ରୟ କରିବ ।
ମୁମ୍ବାଇ ଇଣ୍ଡିଆନ୍ସରେ ରିଟେନ କରିଥିବ ଖେଳାଳି ମାନେ ହେଲେ ଅଧିନାୟକ ରୋହିତ ଶର୍ମା, କ୍ବିଣ୍ଟନ ଡିକକ, ସୂର୍ଯ୍ୟ କୁମାର ଯାଦବ, ଇଶାନ କିଷାନ, କ୍ରିଷ ଲିନ, ଆନମୋନଲପ୍ରୀତ ସିଂ, ସୌରଭ ଦ୍ବିବେଦୀ, ଆଦିତ୍ୟ ତାରେ, କିରନ ପୋଲାର୍ଡ, ହାର୍ଦ୍ଦିକ ପାଣ୍ଡ୍ୟା, କୃନାଲ ପାଣ୍ଡ୍ୟା, ଅନୁକୂଳ ରୟ, ଜସପ୍ରିତ ବୁମ୍ରା, ଟ୍ରେଣ୍ଟବୋଲ୍ଟ, ରହୁଲ ଚହର, ଜୟନ୍ତ ଯାଦବ, ଧୱଲ କୁଲକର୍ଣ୍ଣି, ମୋହସିନ ଖାନ ରହିଛନ୍ତି ।
ମୁମ୍ବାଇ ଇଣ୍ଡିଆନ୍ସରୁ ରିଲିଜ ହୋଇଥିବା ଖେଳାଳି ମାନେ ହେଲେ ଶ୍ରୀଲଙ୍କାର ଲସିଥ ମଲିଙ୍ଗା, ମିଚେଲ ମ୍ୟାକ୍ଲେଘାନ,ଜେମସ ପାଟ୍ଟିନସନ, ନାଥାନକୁଲଟୋର ନାଇଲ, ସେଫରୋନ ରଦୋରଫର୍ଡୋ, ପ୍ରିନ୍ସ ବଲୱନ୍ତ ରୟ, ଦିଗବିଜୟ ଦେଶମୁଖ ରହିଛନ୍ତି ।
