ଦୁବାଇ: ଆଇପିଏଲର 12ତମ ମ୍ୟାଚରେ କୋଲକାତା ନାଇଟ ରାଇଡର୍ସର ବାଜିମାତ୍ । ବୁଧବାର ଦିନ ଦୁବାଇ ଇଣ୍ଟରନ୍ୟାସନାଲ ଗ୍ରାଉଣ୍ଡରେ କୋଲକାତା ନାଇଟ ରାଇଡର୍ସ ରାଜସ୍ଥାନ ରୟାଲ୍ସକୁ 37ରନ୍ରେ ମାତ୍ ଦେଇ ରାଜସ୍ଥାନ ଦଳର ବିଜୟଧାରାରେ ବ୍ରେକ ଲଗାଇଛି । ତେବେ ଶିଭମ ମାଭିଙ୍କ ଚମତ୍କାର ବୋଲିଂ ଯୋଗୁଁ ତାଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ମିଳିଛି । କୋଲକାତା ପ୍ରଥମେ ବ୍ୟାଟିଂ କରି 175ରନର ବିଜୟଲକ୍ଷ୍ୟ ଦେଇଥିଲା । ରାଜସ୍ଥାନ ଏହି ବିଜୟଲକ୍ଷ୍ୟ ହାସଲ କରିବାରେ ଫେଲ ମିରିଛି । ଟିମ ନିର୍ଦ୍ଧାରିତ ଓଭରରେ 9ଓ୍ବିକେଟ ହରାଇ 137ରନ ହିଁ ସଂଗ୍ରହ କରି ପାରିଥିଲା ।
କୋଲକାତା ନାଇଟ ରାଇଡର୍ସ - ରାଜସ୍ଥାନ ରୟାଲ୍ସ ମ୍ୟାଚରେ ପ୍ରଥମେ ଟସ୍ ଜିତି ରାଜସ୍ଥାନ ବୋଲିଂର ନିର୍ଣ୍ଣୟ ନେଇଥିଲା । ତେବେ କେକେଆର ପ୍ରଥମେ ବ୍ୟାଟିଂ କରିବାକୁ ଆସି ନିର୍ଦ୍ଧାରିତ ଓଭରରେ 6 ଓ୍ବିକେଟ ହରାଇ 174ରନ ସଂଗ୍ରହ କରିଥିଲା । ଦଳ ପକ୍ଷରୁ ଶୁଭମନ ଗିଲଙ୍କ 47 ରନ ପାଳି ଖେଳିଥିଲେ । ସେହିପରି ନୀତିଶ ରାଣା 22, ଆନ୍ଦ୍ରେ ରସେଲ24,ସୁନୀଲ ନାରିନ 15, ଦିନେଶ କାର୍ତ୍ତିକ 1, ଇୟନ ମୋର୍ଗାନ 34*, ପାଟ କମିନ୍ସ 12, କମଲେଶ ନାଗାର୍କୋଟି 8* ରନ୍ ସଂଗ୍ରହ କରିଥିଲେ ।