ଆବୁଧାବି: ଆଇପିଏଲ2020ର ଅଷ୍ଟମ ମୁକାବିଲାରେ କୋଲକାତା ନାଇଟ ରାଇଡର୍ସ 7 ଓ୍ବିକେଟରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଛି। ଚଳିତ ସଂସ୍କରଣରେ କୋଲକତାର ଏହା ପ୍ରଥମ ବିଜୟ । ଅନ୍ୟପଟେ ହାଇଦ୍ରାବାଦକୁ 2ୟ ଥର ପାଇଁ ପରାଜୟର ସାମ୍ନା କରିବାକୁ ପଡିଛି । କେକେଆରର ଶୁଭମନ ଗିଲ୍ଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ମିଳିଛି ।
କୋଲକାତା ନାଇଟ ରାଇଡର୍ସ - ସନରାଇଜର୍ସ ହାଇଦ୍ରାବାଦ ମୁକାବିଲାରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ହାଇଦ୍ରାବାଦ । ତେବେ ନିର୍ଦ୍ଧାରିତ 20 ଓଭରରେ 4 ୱିକେଟ ହରାଇ ଦଳ 142 ରନ ସଂଗ୍ରହ କରିଥିଲା । ଦଳ ପକ୍ଷରୁ ମନିଷ ପାଣ୍ଡେ ସର୍ବାଧିକ 38 ବଲରୁ 3 ଚୌକା ଓ 2 ଛକା ସହାୟତାରେ 51 ରନର ଅର୍ଦ୍ଧଶତକୀୟ ଇଂନିସ ଖେଳିଥିଲେ । ସେହିପରି କ୍ୟାପଟେନ ଡେଭିଡ ୱାର୍ଣ୍ଣର 36(30ବଲ୍)ରନ୍, ରିଦ୍ଧିମାନ ଶାହା 30(31ବଲ୍)ରନ୍ ସଂଗ୍ରହ କରିଥିଲେ ।
କେକେଆର ପକ୍ଷରୁ ଆନ୍ଦ୍ରେ ରସେଲ, ବରୁଣ ଚକ୍ରବର୍ତ୍ତୀ ଓ ପାଟ କମିନ୍ସ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ ।