ହାଇଦ୍ରାବାଦ: ଭାରତୀୟ ଦ୍ରୁତ ବୋଲର ଯଶପ୍ରୀତ ବୁମରା କ୍ରୀଡା ଉପସ୍ଥାପିକା ସଞ୍ଜନା ଗନେସନଙ୍କୁ ସୋମବାର ବିବାହ କରିଛନ୍ତି । ଟିମ ଇଣ୍ଡିଆର ଷ୍ଟାର ବୋଲର ବୁମରା ମାର୍ଚ୍ଚ 15କୁ ଜୀବନର ସବୁଠୁ ଖୁସିର ଦିନ ବୋଲି କହିବା ସହ ବିବାହ ଫଟୋ ସେୟାର କରିଛନ୍ତି ।
ଫଳରେ କ୍ୟାପଟେନ ବିରାଟ କୋହଲି, ହାର୍ଦ୍ଦିକ ପାଣ୍ଡ୍ୟା, ମୟଙ୍କ ଅଗ୍ରୱାଲ, ଚେତେଶ୍ବର ପୂଜାରା, ଶିଖର ଧାୱନ ଓ ଯୁବରାଜ ସିଂହଙ୍କ ସମେତ ଭାରତୀୟ କ୍ରିକେଟ ଟିମ ସଦସ୍ୟ ନବବିବାହିତ ଯୋଡିଙ୍କୁ ଟ୍ବିଟ ଯୋଗେ ଶୁଭେଚ୍ଛା ଜଣାଇଛନ୍ତି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଓ ଅନ୍ତର୍ଜାତୀୟ କ୍ରିକେଟ ପରିଷଦ ମଧ୍ୟ ଅଭିନନ୍ଦନ ଜଣାଇଛି ।