ଅହମ୍ମଦାବାଦ:ଇଂଲଣ୍ଡ ବିପକ୍ଷ ଟେଷ୍ଟ ସିରିଜର 4ର୍ଥ ତଥା ଶେଷ ଟେଷ୍ଟ ପାଇଁ ଟିମ ଇଣ୍ଡିଆର ଜୋରଦାର ଅଭ୍ୟାସ । ମାର୍ଚ୍ଚ 4, ଗୁରୁବାର ଠାରୁ ଶେଷ ଟେଷ୍ଟ ଆରମ୍ଭ ହେବ ।
ନରେନ୍ଦ୍ର ମୋଦି ଷ୍ଟାଡିୟମରେ ଭାରତୀୟ ଟିମ ରବିବାର ଅପରାହ୍ନ 2ଟାରୁ 5ଟା ପର୍ଯ୍ୟନ୍ତ ଅଭ୍ୟାସ କରିଥିଲା । ସଂପୂର୍ଣ୍ଣ ଟିମ ଏହି ଅଭ୍ୟାସ ସେସନରେ ଭାଗ ନେଇଥିଲା । ସୋମବାର କ୍ୟାପଟେନ ବିରାଟ କୋହଲି, ରୋହିତ ଶର୍ମା ଓ ଅଜିଙ୍କ୍ୟ ରାହାଣେଙ୍କୁ ନେଟ୍ସରେ ବ୍ୟାଟିଂ କରୁଥିବାର ଦେଖିବାରୁ ମିଳିଛି । ବିସିସିଆଇ ପକ୍ଷରୁ ଅଭ୍ୟାସ ସମୟର ଏକ ଭିଡିଓ ମଧ୍ୟ ସେୟାର କରାଯାଇଛି ।
ମୁଖ୍ୟ କୋଚ ରବି ଶାସ୍ତ୍ରୀ, ରୋହିତ ଓ କୋହଲି ଏକତ୍ର ଗୁରୁତ୍ବପୂର୍ଣ୍ଣ ଆଲୋଚନା କରୁଥିବା ମଧ୍ୟ ଦେଖାଯାଇଥିଲା ।