ହାଇଦ୍ରାବାଦ: ଭାରତ ଗସ୍ତରେ ଆସୁଛି ଇଂଲଣ୍ଡ କ୍ରିକେଟ ଟିମ । କଙ୍ଗାରୁ ଶିକାର ପରେ ଘରୋଇ ମାଟିରେ ଇଂଲିସ ଟିମକୁ ମାତ ଦେବାକୁ ପ୍ରସ୍ତୁତ ବିରାଟ ବାହିନୀ ।
ବର୍ଡର ଗାଭାସ୍କର ସିରିଜ ବିଜୟ ସହ ଶେଷ ହୋଇଛି ଟିମ ଇଣ୍ଡିଆର ଅଷ୍ଟ୍ରେଲିଆ ଗସ୍ତ । ଭାରତୀୟ ଟିମ, ଅଷ୍ଟ୍ରେଲିଆକୁ ଅଷ୍ଟ୍ରେଲିଆ ମାଟିରେ କ୍ରମାଗତ ଦ୍ବିତୀୟ ଗସ୍ତରେ ହରାଇଛି । ଏଥିସହ 32 ବର୍ଷ ପରେ ଗାବା ଗ୍ରାଉଣ୍ଡରେ କୌଣସି ଟେଷ୍ଟ ହାରିଛି ଅଷ୍ଟ୍ରେଲିଆ ।
ଏହି ବିଜୟ ପାଇଁ ଟିମ ଇଣ୍ଡିଆକୁ ଶୁଭେଚ୍ଛାର ସୁଅ ଛୁଟିଥିବା ବେଳେ, ଇଂଲଣ୍ଡର ପୂର୍ବତନ କ୍ରିକେଟର କେଭିନ ପିଟରସନ ହିନ୍ଦିରେ ଏକ ଟ୍ବିଟ କରିଛନ୍ତି । ପିଟରସନ ଟ୍ବିଟରେ ଲେଖିଛନ୍ତି, "ଭାରତର ଏହା ଐତିହାସିକ ବିଜୟ, ଉତ୍ସବ ମନାନ୍ତୁ କାରଣ ସମସ୍ତ ପ୍ରକାଶ ପ୍ରତିକୂଳ ପରିସ୍ଥିତି ସତ୍ତ୍ବେ ଏହି ବିଜୟ ମିଳିଛି । କିନ୍ତୁ ଅସଲ ଟିମ ତ କିଛି ସପ୍ତାହ ପରେ ଆସୁଛି, ଯାହାକୁ ଆପଣଙ୍କୁ ନିଜ ଘରେ ହରାଇବାକୁ ହେବ ।