ନୂଆଦିଲ୍ଲୀ: ଶ୍ରେୟସ ଆୟରଙ୍କ ନେତୃତ୍ବରେ ଦିଲ୍ଲୀ କ୍ୟାପିଟାଲ୍ସ ଟିମକୁ ଆଇପିଏଲର 13ତମ ସଂସ୍କରଣର ଟ୍ରଫି ବିଜେତା ଭାବେ ଦେଖିବାକୁ ଚାହାଁନ୍ତି ଇଂଲଣ୍ଡର ପୂର୍ବତନ କ୍ୟାପଟେନ କେଭିନ ପିଟରସନ ।
ପିଟରସନ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିବା ସହ କ୍ରିକେଟ ଫେରିଥିବାରୁ ଖୁସିବ୍ୟକ୍ତ କରିଛନ୍ତି । ଏଥିସହିତ ଆଇପିଏଲ 2020 ଚମ୍ପିଆନ ଟିମ ନେଇ ପୂର୍ବାନୁମାନ କରିଛନ୍ତି । "କିଏ ଜିତିବ ଆଇପିଏଲ 2020 ?" ବୋଲି ପ୍ରଶ୍ନ କରିଛନ୍ତି । ଦିଲ୍ଲୀ କ୍ୟାପିଟାଲ୍ସ ଜିତିବା ନେଇ ସେ ଆଶାବାଦୀ ବୋଲି ଲେଖିଛନ୍ତି ।
ପିଟରସନ ଆଇପିଏଲରେ ଦିଲ୍ଲୀ ଡେୟାରଡେଭିଲ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଇଜିଂ ପୁନେ ସୁପରଜିଆଣ୍ଟ୍ସ ଟିମରେ ଖେଳିସାରିଛନ୍ତି ।
ସେପ୍ଟେମ୍ବର 19ରୁ ଆରମ୍ଭ ହେବାକୁ ଯାଉଥିବା ଆଇପିଏଲର 13ତମ ସଂସ୍କରଣରେ ଦିଲ୍ଲୀ କ୍ୟାପିଟାଲ୍ସ ଟିମରେ ଶ୍ରେୟସ ଆୟର, ରବିଚନ୍ଦ୍ରନ ଅଶ୍ବିନୀ, ଅଜିଙ୍କ୍ୟ ରାହାଣେଙ୍କ ଭଳି ଷ୍ଟାର ଖେଳାଳି ରହିଛନ୍ତି ।