ଲଣ୍ଡନ: ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟରେ ଇଂଲଣ୍ଡର ନିୟମିତ ଟେଷ୍ଟ କ୍ୟାପଟେନ ଜୋଏ ରୁଟ ଅନୁପସ୍ଥିତ ରହିବା ସମ୍ଭାବନା ରହିଛି । ଫଳରେ ଅଲରାଉଣ୍ଡର ବେନ ଷ୍ଟୋକ୍ସଙ୍କୁ ପ୍ରଥମ ଟେଷ୍ଟରେ କ୍ୟାପଟେନ ଭାର ମିଳିବା ନେଇ ଚର୍ଚ୍ଚା ହେଉଛି । ମାତ୍ର ପୂର୍ବତନ ଇଂଲଣ୍ଡ କ୍ରିକେଟର କେଭିନ ପିଟରସନ ଷ୍ଟୋକ୍ସ ନୁହଁନ୍ତି ବରଂ ବଟଲରଙ୍କୁ କ୍ୟାପଟେନ ଦେଖିବାକୁ ଚାହାନ୍ତି ।
କାରଣ ପିଟରସନ କହିଛନ୍ତି ବେନ ଷ୍ଟୋକ୍ସ ଇଂଲଣ୍ଡର ଶ୍ରେଷ୍ଠ ମ୍ୟାଚ ବିଜେତା ଖେଳାଳି । ଉଭୟ ବ୍ୟାଟିଂ ଓ ବୋଲିଂରେ ଦଳ ପାଇଁ ଷ୍ଟୋକ୍ସ ପ୍ରଭାବି ପ୍ରଦର୍ଶନ ସହ ନିଜକୁ ପ୍ରମାଣିତ କରିଛନ୍ତି । ତେବେ ଟିମ ନେତୃତ୍ବର ଚାପ ତାଙ୍କ ପ୍ରଦର୍ଶନକୁ ପ୍ରଭାବିତ କରିପାରେ । ସେଥିପାଇଁ ବଟଲରଙ୍କୁ କ୍ୟାପଟେନ ଦାୟିତ୍ବ ମିଳିବା ଉଚିତ ।