କେରଳ ଏୟାର ଇଣ୍ଡିଆ ବିମାନ ଦୁର୍ଘଟଣା: ପୀଡିତଙ୍କୁ କ୍ରିକେଟରଙ୍କ ସମବେଦନା

ଭାରତୀୟ କ୍ରିକେଟରମାନେ କେରଳ ବିମାନ ଦୁର୍ଘଟଣାରେ ପ୍ରାଣ ହରାଇଥିବା 2 ପାଇଲଟଙ୍କ ସମେତ 20ଜଣ ଯାତ୍ରୀଙ୍କ ପାଇଁ ପ୍ରାର୍ଥନା କରିଛନ୍ତି ।

ନୂଆଦିଲ୍ଲୀ: ଅଧିନାୟକ ବିରାଟ କୋହଲି ଓ ଉପଅଧିନାୟକ ରୋହିତ ଶର୍ମା ଶୁକ୍ରବାର କେରଳ ବିମାନ ଦୁର୍ଘଟଣାରେ ପ୍ରାଣ ହରାଇଥିବା 2 ପାଇଲଟଙ୍କ ସମେତ 19ଜଣ ଯାତ୍ରୀଙ୍କ ପାଇଁ ପ୍ରାର୍ଥନା କରିଛନ୍ତି ।

ଦୁର୍ଘଟଣାଗ୍ରସ୍ତ ଏୟାର ଇଣ୍ଡିଆର ଦୁବାଇ-କୋଝିକୋଡ ବିମାନ(IX-1344) 184 ଯାତ୍ରୀଙ୍କୁ ନେଇ ଦୁବାଇରୁ ଆସିଥିଲା । ତେବେ କେରଳରେ ବର୍ଷା ଜାରି କାରଣରୁ ଏହି ବିମାନଟି ରନଓ୍ବେରେ ହିଁ ଓଲଟି ପଡିଥିଲା । ଏଥିରେ ପାଇଲଟ ଏବଂ ସହ-ପାଇଲଟଙ୍କ ସମେତ 19 ଜଣଙ୍କର ମୃତ୍ୟୁ ଘଟିଛି ।

କୋହଲି ଟ୍ବିଟ କରି ଲେଖିଛନ୍ତି ଯେ, କୋଝିକୋଡ ବିମାନଦୁର୍ଘଟଣାରେ ପ୍ରଭାବିତ ହୋଇଥିବା ଲୋକଙ୍କ ପାଇଁ ପ୍ରାର୍ଥନା କରୁଛି ଓ ସେମାନଙ୍କ ପରିଜନଙ୍କ ପ୍ରତି ଗଭୀର ସମବେଦନା ଜ୍ଞାପନ କରୁଛି ।

ସେହିପରି ସଚିନ ତେନ୍ଦୁଲକର, ରୋହିତ ଶର୍ମା, ଗୌତମ ଗମ୍ଭୀର ମଧ୍ୟ ଟ୍ବିଟ କରି ଶୋକ ପ୍ରାର୍ଥନା କରିଛନ୍ତି ।

ଯୁବରାଜ ସିଂ 2020କୁ ବିପର୍ଯ୍ୟୟ ବର୍ଷ ବୋଲି କହିଛନ୍ତି ।