ନୂଆଦିଲ୍ଲୀ: ହସ୍ପିଟାଲରୁ ଡିସଚାର୍ଜ ହେଲେ ଭାରତର 1983 ବିଶ୍ବକପ ବିଜେତା କ୍ୟାପଟେନ କପିଳ ଦେବ । ଅସୁସ୍ଥତା କାରଣରୁ ଦିଲ୍ଲୀର ଏକ ହସ୍ପିଟାଲରେ ଚିକିତ୍ସିତ ହେଉଥିଲେ କପିଳ ଦେବ । ଛାତିରେ ଯନ୍ତ୍ରଣା ଅନୁଭବ କରିବା ପରେ ସେ ହସ୍ପିଟାଲରେ ଭର୍ତ୍ତି ହୋଇଥିଲେ ।
କପିଳ ଦେବଙ୍କ ଅସୁସ୍ଥ ଖବର ଦେଶ ତମାମ କିଛି ସମୟ ମଧ୍ୟରେ ପହଞ୍ଚିବା ପରେ ଅଗଣିତ ଭାରତୀୟ କ୍ରିକେଟ ପ୍ରେମୀ, କ୍ରିକେଟର, ରାଜନେତା ଆଶୁ ଆରୋଗ୍ୟ କାମନା କରିଥିଲେ । ଫଳରେ ହସ୍ପିଟାଲରେ ଭର୍ତ୍ତି ହେବାର ଦିନକ ପରେ ସୋସିଆଲ ମିଡିଆରେ ଆଶୁ ଆରୋଗ୍ୟ କାମନା କରିଥିବା ସମସ୍ତ ଶୁଭେଚ୍ଛୁଙ୍କୁ ଧନ୍ୟବାଦ ଜଣାଇଥିଲେ ବିଶ୍ବବିଜୟୀ କ୍ୟାପଟେନ କପିଳ ଦେବ ।
ଆଜି(ରବିବାର) କପିଳ ଦେବଙ୍କ ସାଥୀ ଖେଳାଳି ଚେତନ ଶର୍ମା ଟ୍ବିଟର ଜରିଆରେ କପିଳ ଦେବ ହସ୍ପିଟାଲରୁ ଡିସଚାର୍ଜ ହେବା ସୂଚନା ଦେଇଛନ୍ତି । "ଡାକ୍ତର ଅତୁଲ ମାଥୁର କପିଲ ପାଜିଙ୍କ ଆଞ୍ଜିଓପ୍ଳାଷ୍ଟି କରିଚଛନ୍ତି। ଏବେ ସେ ଠିକ ଅଛନ୍ତି ଓ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଏହା ହସ୍ପିଟାଲରୁ ଡିସଚାର୍ଜ ବେଳର ଫଟୋ ।" କପିଳ ଦେବଙ୍କ ଫଟୋ ସହ ଟ୍ବିଟ ଯୋଗେଁ ଏହା ସୂଚନା ଦେଇଛନ୍ତି ଚେତନ ଶର୍ମା ।