ବିଶ୍ବକପ: କିୱି କ୍ୟାପ୍ଟେନ କେନଙ୍କ ରେକର୍ଡ

ବିଶ୍ବକପରେ ଅଧିନାୟକ ହିସାବରେ ସର୍ବାଧିକ ରନ ସଂଗ୍ରହକାରୀ ହୋଇଛନ୍ତି ୱିଲିୟମସନ । ଶ୍ରୀଲଙ୍କାର ପୂର୍ବତନ ଅଧନାୟକ ମାହେଲା ଜୟବର୍ଦ୍ଧନଙ୍କୁ ସେ ପଛରେ ପକାଇଛନ୍ତି ।

ଲଣ୍ଡନ: ଚଳିତ ବିଶ୍ବକପ ଫାଇନାଲ ଖେଳୁଛି କେନ ୱିଲିୟମସନଙ୍କ ବ୍ଲାକ୍‌କ୍ୟାପ ଦଳ । ତେବେ ଏହି ଦଳର ବ୍ୟାଟିଂ ଲାଇନ ଅର୍ଡର ସେତେଟା ଖାସ ପ୍ରଦର୍ଶନ କରିପାରିନାହିଁ । ମାତ୍ର ଅଧିନାୟକ ୱିଲିୟମସନ ଚଳିତ ବିଶ୍ବକପରେ ଦଳର ରନମେସିନ ପାଲଟିଛନ୍ତି ।

ଏହି ଅବସରରେ ବିଶ୍ବକପରେ କୌଣସି ଅଧିନାୟକ ହିସାବରେ ସର୍ବାଧିକ ରନ ତାଲିକାର ପ୍ରଥମ ସ୍ଥାନରେ ରହିଛନ୍ତି ୱିଲିୟମସନ । ଏହିକ୍ରମରେ ଶ୍ରୀଲଙ୍କାର ପୂର୍ବତନ ଅଧିନାୟକ ମାହେଲା ଜୟବର୍ଦ୍ଧନଙ୍କୁ ସେ ପଛରେ ପକାଇ ଦେଇଛନ୍ତି । ଜୟବର୍ଦ୍ଧନ 2007 ବିଶ୍ବକପରେ ଅଧିନାୟକ ଭାବେ 548ରନ କରିଥିଲେ ।

ତେବେ ଚଳିତ ବିଶ୍ବକପରେ କେନ 578 ରନ କରିଛନ୍ତି । ଏହି ରନରେ ସାମିଲ ଅଛି ତାଙ୍କର ଦୁଇଟି ଶତକ ଓ ଦୁଇଟି ଅର୍ଦ୍ଧଶତକ । ଏହାସହିତ ସେ ଚଳିତ ବିଶ୍ବକପରେ ସର୍ବାଧିକ ରନ ସଂଗ୍ରହ ତାଲିକାରେ 4ର୍ଥ ସ୍ଥାନରେ ରହିଛନ୍ତି ।

ଏହି ତାଲିକାର ପ୍ରଥମ ସ୍ଥାନରେ ରହିଛନ୍ତି ଭାରତୀୟ ଉପଅଧିନାୟକ ରୋହିତ ଶର୍ମା । ଆଜିର ଫାଇନାଲ ମ୍ୟାଚରେ କେନ 53 ବଲରୁ 30 ରନ କରିଛନ୍ତି ।