ହାଇଦ୍ରାବାଦ: ସଣ୍ଡେ ସୁପର ଫାଇଟରେ ଦେଖିବାକୁ ମିଳିଛି ହାଇ ଭୋଲଟେଜ ମ୍ୟାଚ । ଏଠାରେ ଖେଳାଯାଇଥିବା ଆଇପିଏଲର 11ତମ ମ୍ୟାଚରେ ସବୁଠାରୁ ବଡ ଭାଗିଦାରୀର ରେକର୍ଡ କରିଛନ୍ତି ହାଇଦ୍ରାବାଦର ଏହି ଓପନିଂଯୋଡି । ଦୁହେଁ ପ୍ରଥମ ୱିକେଟ ଯୋଡିରେ 185ରନର ପାର୍ଟନରସିପ ଖେଳିଛନ୍ତି । ଯାହାକି ଆଇପିଏଲ ଇତିହାସରେ ସର୍ବାଧିକ।
ତେବେ ବେୟାରଷ୍ଟୋ ୧୧୪ (୫୬ ବଲ, ୧୨ ଚୌକା, ୬ ଛକା) ଓ ୱାର୍ଣ୍ଣର ଅପରାଜିତ ୧୦୦ (୫୫ ବଲ, ୫ ଚୌକା, ୫ ଛକା) ରନ୍ କରିଛନ୍ତି । ମ୍ୟାଚକୁ 118ରନରେ ଜିତିନେଇଛି ଘରୋଇ ଦଳ ।
ତେବେ ଏ ଦୁହେଁ ଆଇପିଏଲର ପୂର୍ବତନ ଭାଗିଦାରୀ ରେକର୍ଡକୁ ଭାଙ୍ଗିଛନ୍ତି । ପୂର୍ବରୁ 2017ରେ ଗୁଜୁରାଟ ଲାୟନ୍ସ ବିପକ୍ଷରେ କେକେଆରର ଗୌତମ ଗମ୍ଭୀର ଓ କ୍ରିସ ଲାୟନ 184ରନର ଭାଗିଦାରୀ ଖେଳିଥିଲେ ।
ସେହିପରି ଏହି ଯୋଡି ଚଳିତ ଆଇପିଏଲ ସିଜିନରେ ଲଗାତାର 100 ପ୍ଲସ ଭାଗିଦାରୀ ଖେଳି ନୂଆ ରେକର୍ଡ ଖେଳିଛନ୍ତି ।
ସେହିପରି ଆଇପିଏଲ ଚଳିତ ସିଜନର କୌଣସି ଏକ ମ୍ୟାଚରେ ଦୁଇଟି ଶତକ ଯୋଡିଥିବା ଦଳ ହାଇଦ୍ରାବାଦ ବନିଯାଇଛି । ଆଜି ମ୍ୟାଚରେ ହାଇଦ୍ରାବାଦର ଏହି ଦୁଇ ଯୋଡି ଦୁଇଟି ଶତକ ମାରି ଆଇପିଏଲରେ 2ୟ ଯୋଡି ବନିଯାଇଛନ୍ତି । ପୂର୍ବରୁ 2016 ମସିହାରେ ଆରସିବି ପକ୍ଷରୁ ଅଧିନାୟକ କୋହଲି ଓ ଡିଭିଲର୍ସ ଗୋଟିଏ ମ୍ୟାଚରେ ଦୁଇ ଦୁଇଟି ଶତକୀୟ ପାଳି ଖେଳିଥଲେ । ଏହି ମ୍ୟାଚ ଗୁଜୁରାଟ ଲାୟନ୍ସ ବିପକ୍ଷରେ ଖେଳା ଯାଇଥିଲା ।
