ନୂଆଦିଲ୍ଲୀ:ଏସିଆନ କ୍ରିକେଟ କଣ୍ଟ୍ରୋଲ କାଉନସିଲ(ACC)ର ସଭାପତି ହେଲେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ସମ୍ପାଦକ ଜୟ ଶାହା ।
ଏନେଇ ଶନିବାର ବିସିସିଆଇ କୋଷାଧ୍ୟକ୍ଷ ଅରୁଣ ସିଂ ଧୂମଲ ଟ୍ବିଟ ଯୋଗେଁ ସୂଚନା ଦେଇଛନ୍ତି । ଏଥିସହ ନବନିଯୁକ୍ତ ସଭାପତିଙ୍କୁ ଶୁଭେଚ୍ଛା ଜଣାଇବା ସହ, ଜୟଙ୍କ ନେତୃତ୍ବରେ ଏସିସି ଏସିଆନ କ୍ରିକେଟର୍ସଙ୍କ ହିତରେ କାର୍ଯ୍ୟ କରିବ ଓ କ୍ରିକେଟର ପରିଚାଳନାର ନୂତନ ଶିଖରକୁ ଛୁଇଁବ । ସଫଳତମ କାର୍ଯ୍ୟକାଳ ପାଇଁ ଶୁଭକାମନା ବୋଲି ଟ୍ବିଟରେ ଲେଖିଛନ୍ତି ଧୂମଲ ।