ସାଉଥାମ୍ପଟନ: ପ୍ରଥମ ଟେଷ୍ଟରେ ଘରୋଇ ଇଂଲଣ୍ଡକୁ ହରାଇବା ପରେ, ବୋଲରଙ୍କୁ ବିଜୟର ଶ୍ରେୟ ଦେଇଛନ୍ତି ଇଣ୍ଡିଜ କ୍ୟାପଟେନ ଜେସନ ହୋଲ୍ଡର । ମ୍ୟାଚର ଉଭୟ ଇନିଂସରେ ବୋଲରଙ୍କ ଶାଣିତ ବୋଲିଂ ଓ ବ୍ୟାଟ୍ସମ୍ୟାନଙ୍କ ଧୈର୍ଯ୍ୟପୂର୍ଣ୍ଣ ବ୍ୟାଟିଂ ଯୋଗୁଁ ବିଜୟ ସମ୍ଭବ ହୋଇଥିବା ସେ କହିଛନ୍ତି ।
କ୍ୟାପଟେନ ହୋଲ୍ଡର ନିଜେ ଇଂଲଣ୍ଡ ପ୍ରଥମ ଇନିଂସରେ ଘାତକ ବୋଲିଂ କରିଥିଲେ । 6ଟି ୱିକେଟ ଅକ୍ତିଆର କରିବା ସହ ଇଂଲଣ୍ଡକୁ ମାତ୍ର 204 ରନରେ ଅଲଆଉଟ କରିଥିଲେ । ଅନ୍ୟତମ ସ୍ପିଡଷ୍ଟାର ଗାବ୍ରିଏଲ ମଧ୍ୟ ହୋଲ୍ଡରଙ୍କୁ ଭରପୁର ସହଯୋଗ କରିଥିଲେ ।