ରିଭରସୁଇଂର ସୁପରଷ୍ଟାର ଆଣ୍ଡରସନ: ସଚିନ ତେନ୍ଦୁଲକର

ଭେଟେରାନ ଭାରତୀୟ କ୍ରିକେଟର ସଚିନ ତେନ୍ଦୁଲକର ଗୁରବାର, ଇଂଲଣ୍ଡର ଷ୍ଟାର ବୋଲର ଜେମ୍ସ ଆଣ୍ଡରସନଙ୍କ ପ୍ରଶଂସାରେ ଶତମୁଖ ହୋଇଛନ୍ତି । ସଚିନ କହିଛନ୍ତି, ରିଭରସୁଇଂ ବୋଲିଂର ଶ୍ରେଷ୍ଠ ଉପଯୋଗ କରିପାରନ୍ତି ଆଣ୍ଡରସନ ।

ନୂଆଦିଲ୍ଲୀ: ଭେଟେରାନ ଭାରତୀୟ କ୍ରିକେଟର ସଚିନ ତେନ୍ଦୁଲକର ଗୁରବାର, ଇଂଲଣ୍ଡର ଷ୍ଟାର ବୋଲର ଜେମ୍ସ ଆଣ୍ଡରସନଙ୍କ ପ୍ରଶଂସାରେ ଶତମୁଖ ହୋଇଛନ୍ତି । ସଚିନ କହିଛନ୍ତି, ରିଭରସୁଇଂ ବୋଲିଂର ଶ୍ରେଷ୍ଠ ଉପଯୋଗ କରିପାରନ୍ତି ଆଣ୍ଡରସନ ।

ସଚିନ କହିଛନ୍ତି "ପ୍ରାୟତଃ ସମସ୍ତବ୍ୟାଟ୍ସମ୍ୟାନ ବ୍ୟାଟିଂ ସମୟରେ ବୋଲରଙ୍କ ରିଲିଜ ପଏଣ୍ଟକୁ ଧ୍ୟାନ ଦେଇଥାନ୍ତି । ବଲ ଇନ ସୁଇଂ କିମ୍ବା ଆଉଟ ସୁଇଂ, ଏହିଠାରୁ ଆକଳନ କରିଥାନ୍ତି । ମାତ୍ର ଆଣ୍ଡରସନ ଏହି ମାମଲାରେ ବ୍ୟାଟ୍ସମ୍ୟାନଙ୍କୁ ଚକମା ଦେବାରେ ସିଦ୍ଧହସ୍ତ । ଅନେକ ସମୟରେ ଆଣ୍ଡରସନ ବ୍ୟାଟ୍ସମ୍ୟାନଙ୍କୁ ଚକମା ଦେଇ ଅସୁବିଧାରେ ପକାଇଥାନ୍ତି ।"

ପ୍ରଥମ ଟେଷ୍ଟରେ କାମଚଳା କ୍ୟାପଟେନ ଭାର ପାଇଥିବା ବେନ ଷ୍ଟୋକ୍ସଙ୍କୁ ମଧ୍ୟ ପ୍ରଶଂସା କରିଛନ୍ତି ସଚିନ । ଷ୍ଟୋକ୍ସ ଇଂଲଣ୍ଡର ଟିମର ସଠିକ ନେତୃତ୍ବ ନେଇପାରିବେ ବୋଲି ସେ ବିଶ୍ବାସ ରଖିଛନ୍ତି । ଇଂଲଣ୍ଡର ନିୟମିତ ଟେଷ୍ଟ କ୍ୟାପଟେନ ଜୋ ରୁଟଙ୍କ ଅନୁପସ୍ଥିତିରେ ଷ୍ଟୋକ୍ସଙ୍କୁ ଇଣ୍ଡିଜ ବିପକ୍ଷ ପ୍ରଥମ ଟେଷ୍ଟରେ କ୍ୟାପଟେନ ଦାୟିତ୍ବ ମିଳିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ