ମୁମ୍ବାଇ: ବର୍ଷାନୁକ୍ରମରେ ଭାରତୀୟ କ୍ରିକେଟ ଟିମରେ ଅନେକ ଉନ୍ନତି ହୋଇଥିଲା । ବ୍ୟାଟିଂ ବୋଲିଂ ସବୁଥିରେ ଭାରତୀୟ ଟିମ ନିଜକୁ ଶ୍ରେଷ୍ଠ ବୋଲି ଦର୍ଶାଇଥିଲା କିନ୍ତୁ ଫିଲ୍ଡି୍ଂରେ ରହିଯାଉଥିଲା କିଛି ଅଭାବ । ତେବେ ସୌରଭ ଗାଙ୍ଗୁଲି ଯେତେବେଳେ ଅଧିନାୟକ ହେଲେ ତାଙ୍କ ପାଖରେ ଥିଲେ ମହମ୍ମଦ କୈଫ ଓ ଯୁବରାଜ ସିଂହ । ଏଇ ଦୁଇ ଫିଲ୍ଡର ଫିଲ୍ଡିଂର ନୂତନ ମାନଦଣ୍ଡ ସ୍ଥାପନ କରିଥିଲେ । ତେବେ ଶୁତ୍ରବାର ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ଗୌତମ ଗମ୍ଭୀର କହିଛନ୍ତି ଯେ ବର୍ତ୍ତମାନ ସମୟରେ ରବିନ୍ଦ୍ର ଜାଡ଼େଜା ବିଶ୍ବର ଶ୍ରେଷ୍ଠ ଫିଲ୍ଡର ମାନଙ୍କ ମଧ୍ୟରୁ ଅନ୍ୟତମ ।
ଏକ ଅନଲାଇନ ଚାଟ ସୋ’ରେ ଗମ୍ଭୀର ଜାଡ଼େଡା କାହିଁକି ବିଶ୍ବର ଶ୍ରେଷ୍ଠ ଫିଲ୍ଡର ସେ ବିଷୟରେ କହିଛନ୍ତି । ‘‘ମୁଁ ଭାବୁଛି, ବିଶ୍ବ କ୍ରିକେଟରେ ଜାଡ଼େଜାଙ୍କ ଠାରୁ ଆଉ କେହି ଶ୍ରେଷ୍ଠ ଫିଲ୍ଡର ନାହାନ୍ତି, ସେ ଜଣେ ସମ୍ପୂର୍ଣ୍ଣ ଫିଲ୍ଡର । ସେ ସ୍ଲିପ କିମ୍ବା ଗଲିରେ ଫିଲ୍ଡିଂ କରୁ ନଥାଇ ପାରନ୍ତି କିନ୍ତୁ ଥ୍ରୋ କଲା ବେଳେ ତାଙ୍କ ଠାରୁ ଆଉ କେହି ଭଲ କରି ପାରିବେ ନାହିଁ ।’’