କଲମ୍ବୋ: ଲଙ୍କା ପ୍ରିୟିମର ଲିଗ(LPL)ରେ ନଜର ଆସିବେ ଇରଫାନ ପଠାନ । ଏଲପିଏଲର କାଣ୍ଡି ଟସ୍କର୍ସ ଫ୍ରାଞ୍ଚାଇଜ ସହ ଚୁକ୍ତି କରିଛନ୍ତି ଟିମ ଇଣ୍ଡିଆର ଏହି ପୂର୍ବତନ ଅଲରାଉଣ୍ଡର ।
କାଣ୍ଡି ଟସ୍କର୍ସ ଟିମରେ ୱେଷ୍ଟଇଣ୍ଡିଜ କିମ୍ବଦନ୍ତୀ କ୍ରିସ ଗେଲ୍, ସ୍ଥାନୀୟ ଷ୍ଟାର ଖେଳାଳି କୁଶାଲ ପରେରା, ଶ୍ରୀଲଙ୍କାର ଟି-20 ସ୍ପେଶାଲିଷ୍ଟ କୁଶାଲ ମେଣ୍ଡିସ, ନୁଆନ ପ୍ରଦୀପ ଓ ଇଂଲଣ୍ଡର ଦ୍ରୁତ ବୋଲର ଲିଆମ ପ୍ଳଙ୍କେଟ ରହିଛନ୍ତି ।
ନଭେମ୍ବର 21ରୁ ଆରମ୍ଭ ହେଉଛି ଲଙ୍କା ପ୍ରିମିୟର ଲିଗ । ତେବେ ଏନେଇ ଖୁବଶୀଘ୍ର ଓୌପଚାରିକ ଘୋଷଣା ହେବ ବୋଲି ଟ୍ବିଟ ଯୋଗେଁ ଲଙ୍କା ପ୍ରିମିୟର ଲିଗ ପକ୍ଷରୁ ସୂଚନା ମିଳିଛି ।
"ଏଲପିଏଲର କାଣ୍ଡି ଫ୍ରାଞ୍ଚାଇଜର ସଦସ୍ୟ ହେବା ନେଇ ଖୁସି ଜାହିର କରିଛନ୍ତି ଇରଫାନ । ଟିମରେ ଏକାଧିକ ଚର୍ଚ୍ଚିତ ନାମ ରହିଛି । ଫଳରେ ଅତ୍ୟନ୍ତ ଖୁସି ।" ଏଲପିଏଲର ଘୋଷଣାନାମା ଜାରି ପରେ ଏହା କହିଛନ୍ତି ପଠାନ । ଶ୍ରୀଲଙ୍କାର ପୂର୍ବତନ କ୍ୟାପଟେନ ହାସନ ତିଳକର୍ତନେ ମଧ୍ୟ କାଣ୍ଡି କୋଚିଂ ଷ୍ଟାଫର ଅଂଶ ରହିଛନ୍ତି ।