ହାଇଦ୍ରାବାଦ: ଅସବରରୁ ଫେରିବାକୁ ସଙ୍କେତ ଦେଇଛନ୍ତି ପୂର୍ବତନ ଭାରତୀୟ ଅଲରାଉଣ୍ଡର ଇରଫାନ ପଠାନ। ଚୟନକର୍ତ୍ତାଙ୍କ ଶୁଭଦୃଷ୍ଟି ତାଙ୍କ ଉପରେ ପଡିଲେ, ପୁଣି ପଡିଆରେ ଦମ ଦେଖାଇବାକୁ ପ୍ରସ୍ତୁତ ବୋଲି କହିଛନ୍ତି ପଠାନ ।
ବିଶ୍ବର ଅନେକ କ୍ରିକେଟର ଅବସରରୁ ପ୍ରତ୍ୟାବର୍ତ୍ତନ କରି, ଦେଶ ପାଇଁ ପୁନର୍ବାର ଖେଳିବାର ନଜିର ରହିଛି । ଏହି ତାଲିକାରେ ଇମ୍ରାନ ଖାନ, କେଭିନ ପିଟରସନଙ୍କ ଭଳି ଖେଳାଳି ରହିଛନ୍ତି ।
ଚଳିତ ବର୍ଷ ଜାନୁଆରୀରେ 16 ବର୍ଷର କ୍ରିକେଟ କ୍ୟାରିୟରରୁ ଅବସର ନେଇଥିଲେ ବରୋଦା କ୍ରିକେଟର ଇରଫାନ ପଠାନ । 2008ରେ ପଠାନଙ୍କ ଟେଷ୍ଟ କ୍ୟାରିୟର ଶେଷ ହୋଇଥିଲା । 29ଟି ଟେଷ୍ଟରୁ 100ୱିକେଟ ହାସଲ କରିଛନ୍ତି ପଠାନ । ପାକିସ୍ତାନ ବିପକ୍ଷରେ ବର୍ଷ 2006ରେ ଟେଷ୍ଟ କ୍ରିକେଟରେ ହାଟ୍ରିକ ୱିକେଟ ଅକ୍ତିଆର କରିଥିଲେ । ଦିନିକିଆରେ ମୋଟ 120ଟି ମ୍ୟାୟ ଖେଳିବାର ସୁଯୋଗ ପାଇଛନ୍ତି ସେ । ସେଥିମଧ୍ୟରୁ 173 ୱିକେଟ ସହ 1544 ରନ ତାଙ୍କ ନାମରେ ରହିଛି ।ଏଥିସହିତ 24ଟି ଟି-20ମ୍ୟାଚରୁ 28ଟି ୱିକେଟ ମଧ୍ୟ ଅକ୍ତିଆର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
