ଡବଲିନ: ଆୟରଲାଣ୍ଡ କ୍ରିକେଟ ବୋର୍ଡ ଇଂଲଣ୍ଡ ବିପକ୍ଷ ଦିନିକିଆ ସିରିଜ ପାଇଁ 21ଜଣିଆ ଟ୍ରେନିଂ ସ୍କ୍ବାଡ ଘୋଷଣା କରିଛି । ଏହି ସ୍କ୍ବାଡ୍ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ପାଇଁ ସାଉଥାମ୍ପଟନ ଗସ୍ତ କରିବ ।
ଇଂଲଣ୍ଡ ବିପକ୍ଷ ଦିନିକିଆ ସିରିଜ ପାଇଁ ଆୟରଲାଣ୍ଡ ଟ୍ରେନିଂ ଟିମ ଘୋଷଣା କୋରୋନା ଭାଇରସ ଗାଇଡଲାଇନର ପାଳନକୁ ଦୃଷ୍ଟିରେ ରଖି, ଡବଲିନରୁ ଆୟଲରାଣ୍ଡ ଖେଳାଳି ଏକ ଚାଟାର୍ଡ ବିମାନରେ ସାଉଥାମ୍ପଷ୍ଟନ ଅଭିମୁଖେ ଉଡାଣ ଭରିବେ । ଏହା ପରେ ଏକ ଜୈବ ସୁରକ୍ଷିତ ବସରେ ପୂର୍ବ ବ୍ୟବସ୍ଥିତ ହୋଟେଲକୁ ନିଆଯିବ । ପ୍ରଥମ ଦିନିକିଆ ମ୍ୟାଚ ଜୁଲାଇ 30ରେ ଖେଳାଯିବ । ପରେ ଅଗଷ୍ଟ 1 ଓ 3ରେ ଯଥାକ୍ରମେ 2ୟ ଓ 3ୟ ମ୍ୟାଚ ଖେଳାଯିବା ନେଇ ସୂଚୀ ରହିଛି ।
ଘୋଷିତ 21ଜଣିଆ ଟିମରୁ ଚୟନକର୍ତ୍ତା ଚୁଡାନ୍ତ ଦିନିକିଆ ଟିମ ଚୟନ କରିବେ । ଅନ୍ୟ 3 ଖେଳାଳି ରିଜର୍ଭ ଭାବେ ରହିବେ ।
ଘୋଷିତ ଆୟରଲାଣ୍ଡ ଟିମ: ଆଣ୍ଡ୍ରିୟୁ ବାଲବିରନ(କ୍ୟାପଟେନ), ପଲ ଷ୍ଟ୍ରିଲିଂ(ଭାଇରସ-କ୍ୟାପଟେନ), ମାର୍କ ଆଦାର, କର୍ଟିସ କାମ୍ଫାର, ପିଟର ଚେଜ୍, ଗାରେଥ ଡାନେଲି, ଜର୍ଜ ଡକରେଲ, ଜୋନାଥନ ଗ୍ରଥ, ଟିରୋନ କେନ, ଜୋସ ଲିଟିଲ, ଆଣ୍ଡ୍ରିୟୁ ମେକବ୍ରିନ, ବେରୀ ମେକକାର୍ଥି, ଜେମ୍ସ ମାକ୍ୟୁଲମ, କେଭିନ ଓ ବ୍ରାଏନ, ୱଲିୟମ ପୋଟରଫିଲ୍ଡ, ବୟେଡ ରାଙ୍କିନ, ସିମି ସିଂ, ହେରୀ ଟେକ୍ଟର, ଲରକାନ ଟକର, ଗେରୀ ୱିଲସନ, କ୍ରେଗ ୟଙ୍ଗ୍ ।
